Noreg har 356 kommunar. Fastsetting og endring av kommunegrenser blir regulert av inndelingslova.
Statsforvaltaren skal rettleie kommunar, folkevalde og private i spørsmål om inndelingslova og prosessane ved grenseendring og grensefastsetting.
Ved behov kan vi også hjelpe kommunar med å forhandle fram ein avtale om økonomisk oppgjer ved grensejustering eller deling.
Vi kan også gjere lovlegkontroll med budsjettvedtak etter at utgreiing om samanslåing eller deling er sett i gang.
Kommunebilete og kommunedialog er eit internt satsingsområde i embetet i 2022. Det er organisert ei arbeidsgruppe med representantar frå alle avdelingane som arbeider i eit nytt system med å få fram embete sin samla kunnskap om kommunane i Rogaland.
Denne sida vert også nytta til å legge ut saker og informasjon om kommunestruktur, kommunegrenser og inndelingslova, som til dømes ved spørsmål om grensejusteringar.
Tidlegare har denne sida vert nytta i samband med kommunereforma.
Samanslåinga av Vindafjord og Ølen til ein kommune frå 1.1.2006 har hatt positive effektar, skreiv Telemarksforsking i ein rapport om fire friviljuge samanslåingar i perioden 2005-2008.
I 2006 blei «gamle» Vindafjord og Ølen kommunar etter folkerøystingar slegne saman til «nye» Vindafjord. Dette var den første endringa i kommunestrukturen i fylket sidan endringane etter Schei-komiteen rundt 1965. Vi ser tilbake på kva som har skjedd på dette punktet sidan kommunalt sjølvstyre blei innført i 1837