Noreg har 356 kommunar. Fastsetting og endring av kommunegrenser blir regulert av inndelingslova.
Statsforvaltaren skal rettleie kommunar, folkevalde og private i spørsmål om inndelingslova og prosessane ved grenseendring og grensefastsetting.
Ved behov kan vi også hjelpe kommunar med å forhandle fram ein avtale om økonomisk oppgjer ved grensejustering eller deling.
Vi kan også gjere lovlegkontroll med budsjettvedtak etter at utgreiing om samanslåing eller deling er sett i gang.
Kommunebilete og kommunedialog er eit internt satsingsområde i embetet i 2022. Det er organisert ei arbeidsgruppe med representantar frå alle avdelingane som arbeider i eit nytt system med å få fram embete sin samla kunnskap om kommunane i Rogaland.
Denne sida vert også nytta til å legge ut saker og informasjon om kommunestruktur, kommunegrenser og inndelingslova, som til dømes ved spørsmål om grensejusteringar.
Tidlegare har denne sida vert nytta i samband med kommunereforma.
Måndag 2. mars blei nettstaden MinNyeKommune.no lansert, eit resultat av godt samarbeid mellom kommunane Time, Gjesdal, Hå, Klepp, Randaberg, Sandnes, Sola og Stavanger. Målet er at nettstaden skal gi oppdatert informasjon til innbyggjarane i desse kommunane.
Det har vore etterspurt ei stund, men nå er ventetida over. Kommunal- og moderniseringsdepartementet (KMD) har fått laga eit ferdig verktøy for innbyggjarundersøkingar til bruk kommunereforma.
Ny kommune er eit utgreiingsverktøy for samanslåing av kommunar. Her får du oversikt over relevante nøkkeltal og utviklingstrekk både for enkeltkommunar og for den nye kommunen. Nå er ein ny versjon klar.
Fylkesmannen starter ikkje nye utgreiingar om justering av kommunegrenser medan kommunereforma pågår.
Dei fem kommunane i Jærrådet utvidar samarbeidet med Stavanger, Randaberg og Sola kommune i arbeidet med kommunereforma. Dette gjeld både utgreiingsarbeid og informasjon.
17. mars er alle kommunane i Rogaland inviterte til såkalla prosessamling i samband med kommunereforma. Involvering av både tilsette og innbyggjarar blir viktige tema.
Korleis involvera innbyggjarane og næringslivet på ein god måte i arbeidet med kommunereforma? Det var temaet for eit møte arrangert av Kommunalt informasjonsforum Rogaland 27. januar.
Det første møtet i den regionale ressursgruppa for kommunereforma blei arrangert 20. januar på Statens Hus. Informasjonsutveksling og faglege råd er rettesnora framover.
Styrka lokaldemokrati er eitt av måla med kommunereforma. Derfor har Distriktssenteret laga eit tidsaktuelt notat om nærdemokrati.
Fylkesmannen vil etablere ei ressursgruppe for å sikre informasjon og kunnskapsdeling mellom kommunar og regionalt nivå, og det er nå invitert til første møte i gruppa.