Jordbruksforvaltning

ELF vert stengt for utbetalingar

I perioden 16.12.20-04.01.21 vil ikkje fylkesmannen/ statsforvaltaren ha høve til å godkjenne utbetalingar frå ELF.

Produksjonstilskot

Nytt i fagsystemet eStil PT:

Produksjonstilskot – «alt skal vere skriftleg»

Kommunane si handsaming av tilskot skal vere føreseieleg og rettmessig, og ho skal kunne etterprøvast. Det inneber at det skal vere tydeleg for søkjarane og allmenta kva som ligg til grunn for kommunen sitt vedtak og kva for vurderingar kommunen har gjort. Vidare må kommunen kunne dokumentere kva for informasjon som er innhenta og kva for vurderingar som ligg til grunn for vedtaket.

Sluttseminar nasjonalt hønsehirseprosjekt

Vedlagt ligg invitasjon til ope digitalt sluttseminar for det nasjonale hønsehirseprosjektet Ecrusli 7. desember. Påmeldingsfrist er fredag 4. desember kl. 12.

Til SMIL-folket i kommunane

No er SMIL-middel omfordelt mellom kommunane på bakgrunn av dei behova de sende inn per 10. nov.

Dato for stenging av Agros ved årsskiftet

Søndag 13.12.2020 kl. 23.59 blir siste dag i 2020 det er mogleg for fylkesmannen og kommunar å: 
• godkjenna vedtak om tilskot
• delutbetale og sluttutbetale
• avslutta saker og inndra middel

Produksjonstilskot – hugs kontroll av 10 % av søknadene

Risikobasert kontroll av minst 10 % av søknadene om produksjonstilskot og avløysartilskot i jordbruket er ein betydeleg jobb, som de i kommunane må prioritere høgt no. Hugs kravet om skriftleg, risikobasert kontrollplan (sjå sak på nettsida for kommunal landbruksforvalting 14. oktober, med døme på malar).

eStil-PT - Melding om feil/varsel i produksjonstilskotet

Mange søknadar er markera med feil/varsel i søknadsoversikta. Om de går inn i søknadane er det ofte inga feil eller varslar i søknadane. Landbruksdirektoratet jobbar med å retta opp i dette.

Siste frist for søknad om erstatning for produksjonssvikt

Frist for å søke om erstatning for avlingssvikt er 31.10. Det er særs viktig at fristen vert halden. Kommunane vert derfor oppmoda om å kontakte potensielle søkjarar som ikkje har sendt inn søknad;

• Dyrkarar som har meldt skade (sjekk meldejournalen i kommunen)
• Dyrkarar som har registrert søknad, men ikkje sluttført innsendinga (sjekk ELF)

Informasjon om tilleggsbevis for gnagarmidlar hausten 2020

I samband med klasseromskurs for tilleggskurs om gnagarmidlar på landbrukseigedom som vert halde i Vestfold og Telemark nå i haust, vil fylkesmannen i samband med retting av eksamensoppgåvene registrere kandidatar som har bestått eksamen for tilleggskurs i gnagarmidlar  i den landsdekkjande autorisasjonsdatabasen hjå Mattilsynet.