Prosjektoppstart for kartlegging av marine naturtypar i Rogaland
NIVA, Havforskningsinstituttet og NGU startar i 2012 opp med kartlegging av marine naturtypar i Rogaland. Marin kartlegging er eit av fleire delprosjekt under nasjonalt program for kartlegging og overvaking av biologisk mangfald. Programmet er finansiert av Miljøverndepartementet og Fiskeri- og kystdepartementet.
Dette innhaldet er meir enn eitt år gammalt. Informasjonen kan derfor vere utdatert.
Tysdag 26. april 2012 deltok kommunar, Rogaland fylkeskommune og Fiskeridirektoratet region Sør på eit oppstartsmøte om prosjektet i regi av Direktoratet for naturforvaltning, NIVA Havforskningsinstituttet og NGU. Møtet gjekk føre seg på Statens Hus, hjå Fylkesmannen.
Målet for prosjektet er å opparbeide god kunnskap om førekomst og verdi av utvalde naturtypar til bruk i avgjerder som omfattar kystsona. Slik kunnskap er eit viktig grunnlag for ein meir bærekraftig og føreseieleg arealplanlegging. Vidare er kunnskapen viktig for å hindre unødig tap av biologisk mangfald og for å skapa ein større legitimitet for forvaltningsarbeid med naturtypar. I tillegg kan det gje ein meir aktiv forvaltning av biologisk mangfald.
Prosjektet omfattar kartlegging av nokre utvalte naturtypar jf. DN-handbok 19: kartlegging av marint biologisk mangfald, og NIVA-rapport 5410-2007: Startpakkerettleiar for Rogaland. Naturtypen ålegraseng vart kartlagd på nokre deler av kysten i Rogaland hausten 2011. I 2012 har gyteområdar for stasjonære bestandar av kysttorsk vert kartlagd.
For at kartlegginga skal bli best mogleg, vil det vere viktig å samle inn lokalkunnskap om dei naturtypane og områdane som skal kartleggast. Kommunane, Fylkeskommunen og Fylkesmannen i Rogaland, samt Fiskeridirektoratet region sør, kan gje innspel til prioriteringa av kartlegginga.
Under er lenker til innlegga som vert halde på oppstartsmøtet 26.04.2012.
- Prosjektoppstart marin kartlegging Rogaland - Anne Britt Storeng DN
- Marine naturtyper Rogaland startpakker kartlegging - Trine Bekkby NIVA
- Kartlegging marint biologisk mangfold - Cathrine Stabel Henriksen FM
- Interkommunalt samarbeid erfaringer Astafjordprosjektet - Liv Plassen NGU
- Lokalt engasjement - erfaringer så langt - Moy og Grefsrud IMR
- Utfordringer i kystsonen - Stian Stiansen Fiskeridir Sør
- DN-håndbok 19-2001, revidert 2007
- NIVA-rapport 5410-2007 veileder startpakke kartlegging marint biologisk mangfold Rogaland