English Norsk (bokmål) Davvisámegiella Åarjelsaemiengiele

Nytt om miljø og klima

Naturtypekartlegging og kartlegging av kystfuruskog sommaren 2013

Fylkesmannen i Rogaland gjennomfører sommaren 2013 naturtypekartlegging i hovudsak i Sola, Time, Hå, Gjesdal, Tysvær og Eigersund ved hjelp av konsulentane Ecofact og Biofokus sommaren 2013.

24.06.2013

Ikkje kraftutbygging i Gråfollåna ved Nilsebu

Direktoratet for naturforvaltning (DN) har avslått søknad om dispensasjon til bygging av Gråfollåna kraftverk ved Nilsebu i Hjelmeland. Tiltaket er vera i strid med verneformålet og vil endra landskapet sitt særpreg og karakter vesentleg.

10.06.2013

Marin kartlegging for andre år på rad

Prosjektet ”kartlegging av marine naturtypar” er no inne i sitt andre av tre planlagde år med marine undersøkingar i Rogaland. Målet med prosjektet er å samle kunnskap om førekomst og verdi av utvalde naturtypar for å betre forvaltninga av kystsona.

25.04.2013

Industritilsynet i 2012 - mange brot på miljøregelverket

Fylkesmannen kontrollerte i 2012 pukkverk og fiskeforedling, avfallsmottak, fragmenteringsverk, verkstader og akvakulturanlegg. Ved 80 av 83 tilsyn vart det oppdaga brot på miljøregelverket.

17.04.2013

Kvadrat får utvide

Det er søkt om ei utviding av salgsarealet på Kvadrat kjøpesenter på 2300 m2. Ei utviding av salgsarealet er i strid med føresegna om kjøpesenterstopp og føreset difor eit samtykke frå Fylkesmannen. Fylkesmannen gir samtykke til utviding av salgsareal på Kvadrat.

22.02.2013

Mykje juletre i Rogaland

Fylkesmannen har handsama om lag 40 søknadar om planting av juletre sidan forskrift om utsetting av utanlandske treslag til skogbruksformål tok til å gjelda 30. september 2012. Med få unntak har alle fått innvilga søknadane.

20.02.2013

God forvaltning av friluftsområda på Haugalandet

Fylkesmannen har godkjent forvaltningsplanar for 29 statleg sikra friluftsområde på Haugalandet. Slik godkjenning er ein føresetnad for å få statlege midlar til skjøtsel og tilrettelegging. Friluftsrådet Vest får skryt for oversiktelege planar og  mange konkrete framlegg til eit endå betre tilbod for allmenta.

19.02.2013

Nei til vindmøller på Siragrunnen

Fylkesmannen fremjer motsegn til planane om eit vindkraftanlegg på Siragrunnen i Sokndal og Flekkefjord kommunar. Omsynet til fiskeri, store fugletrekk og landskapsverknader er sentrale faktorar i grunngjevinga.

11.02.2013

Hålandsdalen verna som skogreservat

Dette er det første frivillige barskogvernet i Rogaland. Reservatet dekker eit areal på 5,7 km2 på nordsida av Hålandsdalen i Suldal kommune. Verneforskrifta opnar for allmenn ferdsel - mellom anna bærplukking - og beiting av husdyr.

28.01.2013

Køyring på islagte vatn

Vi er no inne i ein kald og vakker periode med is på dei fleste vatn. Isen vert snart trygg for ferdsel, og dette er ei flott oppleving. På same tid fryktar Fylkesmannen ei gjentaking frå tidlegare år med bilkøyring på islagte vatn.

17.01.2013

Eit nytt bra år for åkerriksa

For andre år på rad vart det i fjor påvist vellykka hekking av åkerrikse i Noreg; eit kull med 5 ungar, og eit reir med klekte egg, begge på Karmøy i Rogaland.  Det vart også rapportert om mogleg hekking i Oppland. I alt vart det i 2012 rapportert om 164 syngande åkerrikser.

15.01.2013

Fylkesmannen stør framlegg om kystlynghei som utvald naturtype

Fylkesmannen i Rogaland stør framlegget om kystlynghei som utvald naturtype. Husdyrfylket Rogaland har, trass i omfattande oppdyrking, oppgjødsling og vindkraftkonsesjonar,  etter måten store areal med kystlynghei med eit særprega plante- og dyreliv med fleire raudlisteartar.  

07.12.2012