English Norsk (nynorsk) Davvisámegiella Åarjelsaemiengiele

Nytt om miljø og klima

Søknad frå Velde Miljø AS i Sandnes

Velde Miljø AS har søkt Fylkesmannen i Rogaland om utsleppsløyve etter forureiningslova for behandling av forureina masse på gnr/bnr 9/1 Kylles i Sandnes kommune. Søknaden gjeld eit avgrensa område på 20 daa.

07.12.2017

Naturarven: Ryddige strender i Randaberg

Nå i haust har miljøvernavdelinga kartlagt alle former for avfall og strandsøppel langs heile kyststripa i Randaberg, frå Randaberg-bukta i nord til Vistnes i sør. Til saman er det snakk om drygt 80 stadar der vi bidreg med å få fjerna smått og stort av avfall. Gode lokale hjelparar i organisasjonane Clean Shores og Seasick Fish skal ha stor takk for sin innsats. Likeså og ikkje minst, dei mange grunneigarar som ryddar kvart år, og Jæren friluftsråd med sin rekordinnsats i år!

06.12.2017

Nei til utbygging av vasskraft i Hjelmeland og Forsand

Olje- og energidepartementet har vedtatt at det ikkje blir gitt løyve til bygging av Songesand kraftverk i Skurvedalen i Forsand kommune. Samstundes har Noregs vassdrags- og energidirektorat avslått søknadane om utbygging av Storåna, Lyngsåna og Sandvassåna kraftverk i Hjelmeland kommune.

30.11.2017

Avgjerd i klagesak om løyve til Nergård Karmøy AS på Husøy

Miljødirektoratet endrar Fylkesmannen sitt vedtak av 03.04.2017 om løyve etter forureiningslova til Nergård Karmøy AS for produksjon av fiskemjøl og fiskeolje på industriområdet Husøy. Verksemda er gitt medhald i klagen på fastsett grense for luktutslepp, men får ikkje medhald i klagen på fastsette grenser for utslepp av prosessvatn til sjøen.

29.11.2017

Etterkunngjering av endra produksjonsramme for Norsk Stein AS i Suldal

Fylkesmannen har etter søknad endra Norsk Stein AS sitt løyve etter forureiningslova (løyvenr. 2012.247.T). Vedtaket inneber at verksemda får auka produksjonsramma frå 10 mill. tonn til 12 mill. tonn per år.

28.11.2017

Endra løyve for Ragn-Sells AS avd. Haugesund

Ragn Sells AS avd Haugesund har fått endra løyve til mottak og mellomlagring av farleg avfall på anlegget i Sundvegen 466 i Karmøy kommune. Endringa er grunna krav om finansiell sikring for verksemda.

24.11.2017

Informasjon til lyngbrennarar i Rogaland

Friviljuge lyngbrennarar dannar eit brennelag som tek i bruk moderne verkemiddel for å styrka skjøtselen av kulturlandskapet og gjera den tradisjonelle lyngheibrenninga tryggare og meir effektiv. Då trengst eit nært samarbeid med brannvesen og politi i distrikta. Eldsjelene inviterer til ein møteserie i/på Strand, Vikeså, Helleland og Gjesdal, 27-29 november.

23.11.2017

Søknad om arbeid i sjø ved kaia innerst i Jørpelandsvågen

Strand kommune planlegg å sanera kaia innerst i Jørpelandsvågen, i den samanhengen søker dei om løyve etter forureiningslova til mudring i sjø og riving av kaia.

22.11.2017

Etterkunngjering av endra løyve til Geminor AS på Karmøy

Geminor AS har fått endra løyve for anlegget i Storøyvegen 75 - 80 på Steinsøy i Karmøy kommune

22.11.2017

Etterkunngjering av løyve til Suldal Renovasjon AS

Suldal Renovasjon AS er gitt løyve til mottak og lagring av farleg avfall i konteinar på verksemda sin eigedom Gåsavikja 17 i Suldal kommune. 

22.11.2017

Søknad om mellombels utslepp av anleggsvatn ved Arsvågen i Bokn kommune

Statens vegvesen Region vest søker om løyve til etablering av to utsleppspunkt og mellombels utslepp av anleggsvatn ved Arsvågen i Bokn kommune.

21.11.2017

Etterkunngjering av løyve til Soltin AS

Soltin AS, Storøy tankanlegg, har fått endra løyve grunna finansiell sikring av mottak og mellomlagring av farleg avfall ved verksemda i Karmøy kommune.

21.11.2017