Podkast - For folk og natur
Statsforvaltaren i Møre og Romsdal starta opp med podkast i januar 2022.
Podkastens tittel spelar på Statsforvaltarens visjon: Trygg framtid for folk og natur.
Vi ønsker å opplyse og informere om tema som vi arbeider med, og håper at podkasten kan gi eit godt innblikk i vårt mangfaldige saksområde.
Ein podkast er lett tilgjengeleg, og kan lyttast til når folk har tid og lyst. Derfor vel vi den kanalen. Podkasten er retta mot alle innbyggarar i fylket - og innhaldet kan også vere interessant for politikarar og kommunane i Møre og Romsdal.
I tillegg til her på nettsida, ligg podkasten på Spotify, på iTunes, og på Google Podcasts.
Ny podkast: Leve heile livet
Korleis skapar vi eit aldersvennleg Møre og Romsdal? I denne episoden av "For folk og natur" snakkar vi om reforma "Leve heile livet" som skal bidra til at eldre kan meistre livet lenger. Dei skal vere trygge på at dei får god hjelp når dei har behov for det. Vi får høyre om 300-metersbyen i Ulstein og om samtalar med 75-åringar i Molde.
Publisert 18.03.2022
Ny podkast: Vårt møte med krigen i Ukraina
Vi tar opp aktuelle tema i møte med krigen i Ukraina: tryggleik og beredskap, landbruk og matsikkerheit. Og så stiller vi spørsmåla: Korleis tar vi imot flyktingar og flyktningbarn i Norge? Og korleis snakkar vi med våre eigne barn om krigen?
Publisert 01.02.2022
Ny podkastepisode er ute: «Klimasnu – ei nødvendig omstilling»
I Møre og Romsdal står vi midt i eit Klimasnu. Kva meiner vi med det? Kva for grep kan kommunane ta for å få ned klimagassutslepp? Kva er samanhengen mellom gründerverksemd og klimaomstilling? Kvifor skal vi ta spesielt vare på jord, myr og skog? Og kan kommunane vere med å bidra til gjenbruk?
Publisert 31.01.2022
Ny podkast frå Statsforvaltaren
«For folk og natur» er tittelen på podkasten som Statsforvaltaren i Møre og Romsdal startar opp med måndag 17. januar.
Kontaktpersoner
Lytt til podkasten
Aktuelle tema i podkasten
Ute no:
- Barnets beste
- Ta våtmarka tilbake!
- Den fantastiske skogen
- Sei ifrå om du ikkje har det bra på skolen!
- Demens - ei stille krise i samfunnet
- Tredrivaren - meir tre i bygg
- Klimatilpassing - Nytt klima gir nye utfordringar
- Hagerømlingar - hjelp til med å fjerne desse plantene
- Jordvern - for å kunne dyrke sin eigen mat
- Leve heile livet i Møre og Romsdal
- Vårt møte med krigen i Ukraina
- Klimasnu – ei nødvendig omstilling
- Ny statsforvaltar og kommunane