Kommunalt kompetanse- og tenesteutviklingstilskot 2025
- Søknadsfrist:
- 17. mars 2025 23:59
- Målgruppe:
- Tilsette i helse- og omsorgstenestene, og brukarar av kommunale helse- og omsorgstenester
- Ansvarleg:
- Statsforvaltaren i Vestland
- Kven kan søke:
- Kommunar, fylkeskommune, universitet og høgskular. Kommunar kan gjerne søke i samarbeid med andre kommunar, helseføretak, frivillig sektor, utdanningsinstitusjonar, næringsliv eller andre
- Rapporteringsfrist:
- 15. mars 2025 23:59
Målet med tilskotet er å styrke kommunane til å møte framtidas utfordringar på helse- og omsorgsfeltet og utvikle berekraftige og gode omsorgstenester. Nytt i år er at søknadsskjemaet ligg i Altinn.
Regelverket var sist revidert i 2023. Kommunane må sende inn ein samla søknad, med ein kontaktperson per kommune.
Lenkje til søknadsskjema i Altinn, finn de under «Lenkjer» og rettleiing til korleis søkje i den nye løysinga finn de under «Dokument». Søknadsfrist er 17. mars 2025.
Les meir om tilskotet og regelverket på heimesida til Helsedirektoratet: Kompetanse- og tjenesteutviklingstilskudd - Helsedirektoratet
Tildelingskriterium
Kommunane kan få tilskot på følgjande område:
- Kompetansetiltak: utdanning på vidaregåande nivå eller fagbrev (helsefagarbeidar mv.), medrekna kvalifisering av tilsette utan formell fagutdanning, fagskuleutdanning, bachelorutdanning i helse- og sosialfag, vidareutdanning, mastergradutdanning og ABC-opplæring.
- Opplæring om brukarstyrt personleg assistanse (BPA). Opplæringa av arbeidsleiarar, saksbehandlarar og assistentar skal vere i tråd med opplæringsplan eller kompetanseplan.
- Tenesteutviklingsprosjekt: Søknaden må mellom anna innehalde mål og målgrupper, tiltak, eventuelle samarbeidspartar, forventa effektar, leiarforankring hjå leiarar med budsjettansvar og korleis brukarmedverknad og pårørandeperspektivet er ivareteke. Kvar kommune kan søkje om maksimalt fem utviklingsprosjekt. Oppretting og utprøving av modellar for fleksible kommunale avlastingstilbod til pårørande er eit viktig tiltak knytt til regjeringas pårørandestrategi med handlingsplan. Delar av tenesteutviklingstilskotet er øyremerkt dette tiltaket.
Andre tildelingskriterium, prioriteringar og regelverk for ordninga kan du lese om på nettsida til Helsedirektoratet.
Tilgang til søknadsskjema i Altinn
Den som skal fylle ut skjema søkjer på vegner av ein organisasjon (kommune eller fylkeskommune), og må ha rettar til å fylle ut søknad og sende inn på vegner av organisasjonen. Den som er ansvarleg for tilgang i Altinn i den enkelte kommune kan tildele eller delegere ein slik rett.
Søkjar må anten
- Ha ei rolle innan helse-, sosial-, og velferdstenester (til dømes Kontaktperson for kommune/fylkeskommune). Du finn oversikt over roller i Altinn: Altinn - Alle Altinn-roller
eller
- Få delegert tilgang til enkeltteneste til det spesifikke skjema. Du finn rettleiing i Altinn: Altinn - Hvordan gi en enkelttjeneste og rolle til andre
Rapportering for 2024
Kommunane skal rapportere innan 15. mars 2025 på tilskot som vart tildelt i 2024. Bruk rapporteringsskjema de fekk tilsendt saman med tildelinga for 2024. Rapporteringsskjema må de sende i Excel-format. For tilskot frå kr 200 000 er det krav om revisorattestasjon.
Vi behandlar ikkje nye søknader for 2025 før vi har motteke rapporteringa for 2024.
- Søknadsfrist:
- 17. mars 2025 23:59
- Målgruppe:
- Tilsette i helse- og omsorgstenestene, og brukarar av kommunale helse- og omsorgstenester
- Ansvarleg:
- Statsforvaltaren i Vestland
- Kven kan søke:
- Kommunar, fylkeskommune, universitet og høgskular. Kommunar kan gjerne søke i samarbeid med andre kommunar, helseføretak, frivillig sektor, utdanningsinstitusjonar, næringsliv eller andre
- Rapporteringsfrist:
- 15. mars 2025 23:59