Tilskot til symjeopplæring i barnehagar 2024

Målet med opplæringa, målgruppe og retningslinjer for bruk av tilskotet

Tilskotet skal bidra til at kommunar og frivillige organisasjonar kan gjennomføre tiltak for å gje barn i barnehage tilstrekkeleg symjeopplæring slik at barna blir trygge i vatn. Målet er å gje barna betre symjeferdigheiter.

Målgruppa er barn i barnehage i alderen 4-6 år.

Symjeopplæringa skal skje i barnehagen si opningstid og skal i hovudsak føregå i basseng. Tilskotet kan òg brukast til å dekkje transport til og frå symjehall, eller til vikarutgifter for å kunne gjennomføre symjeopplæringa. Tilskotsmottakarane vel sjølv korleis opplæringa skal bli organisert og gjennomført. Tilskotet skal i sin heilskap bli brukt til aktivitetar relatert til symjeopplæring av barna.

Det er mogleg å søkje om inntil 2000 kroner per barn i 2024. Det kan berre søkjast om tilskot for eitt kalenderår om gongen. 

Søknad og søknadsfrist

Kommunar, frivillige organisasjonar og barnehagar sender inn søknad til Statsforvalteren i eiget fylke. Søknaden må ikkje gå via kommunen eller ein frivillig organisasjon. Frivillige organisasjonar og barnehagar kan velje å sende søknad om tilskot direkte til statsforvaltaren.

Samarbeid mellom kommune og frivillige organisasjonar blir prioritert. Fleire kommunar kan òg samarbeide om å etablera eit opplæringstilbod.

Søknadsfristen er 21. august 2024. De finn søknadsskjema i høgremenyen på nettsida.

Rapportering og rapporteringsfrist

Tilskotsmottakarane skal innan 1. desember 2024 rapportere til Statsforvaltaren om bruk av tilskotsmidlane. De finn rapporteringsskjema i høgremenyen på nettsida.