Endeleg utgreiingsprogram for Sognefjorden
Utgreiingsprogrammet skal liggje til grunn for den marine verneprosessen og sikrar både involvering og kunnskapsproduksjon dei neste åra fram mot vernevedtak. Det er no fastsett av Miljødirektoratet, og vi sender med dette ut det endelege dokumentet.
Dette innhaldet er meir enn eitt år gammalt. Informasjonen kan derfor vere utdatert.
Statsforvaltaren i Vestland fekk, i brev frå Miljødirektoratet datert 10. januar 2022, i oppdrag å starte arbeidet med marint vern for kandidatområdet Sognefjorden. Kandidatområdet Sognefjorden dekkjer eit areal på meir enn 250 km², og utløyser såleis krav om konsekvensutgreiing av vernet. Ved oppstartsmeldinga låg difor eit utkast til utgreiingsprogram.
Vi fekk tilbakemeldingar på utkastet til utgreiingsprogram gjennom oppstartsmeldinga, og tilpassa programmet etter innspela. Vi sendar med dette ut det endelege utgreiingsprogrammet. Dokumentet sikrar at vi legg til rette for både involvering og kunnskapsproduksjon i løpet av verneprosessen, sjå heile dokumentet som vedlegg til høgre i denne nettartikkelen. Utgreiingsprogrammet ligg mellom anna til grunn for arbeidet med konsekvensutgreiinga, som no er i gang og skal halde fram i 2024.
Utgreiingsprogrammet låg ute på høyring frå vi sendte oppstartsmeldinga for marint vern den 8. desember 2022 til siste innspel kom inn den 3. mai 2023. Sidan Miljødirektoratet er ansvarleg myndigheit, jamfør § 16 i forskrift for konsekvensutredning, vart utgreiingsprogrammet sendt frå oss til Miljødirektoratet den 20. september 2023 for fagleg godkjenning.
Miljødirektoratet har i brev datert 30. november 2023 fastsett programmet. Sjå meir informasjon også om Sognefjorden kandidatområde for marint vern i høgrefana.
Kontaktpersonar
-
Maria Knagenhjelm
Tlf: 57 64 31 37 / 93 66 42 56 -
Eline Orheim
Tlf: 57 64 30 12 / 41 56 38 47 -
Kjell Kvingedal
Tlf: 55 57 23 12 / 97 50 40 50
Lenkjer
Dokument
- Fastsetjing av utgreiingsprogram i samband med verneforslag for Sognefjorden, brev frå Miljødirektoratet
- Merknader KU-program Sognefjorden, tilbakemelding frå Miljødirektoratet
- Endeleg utgreiingsprogram for marint vern Sognefjorden, utsendingsbrev frå Statsforvaltaren
- Utgreiingsprogram for marint vern Sognefjorden
