Webinar om likestillingsarbeid i kommunane

Likestilling handlar om moglegheita til å vere eit heilt menneske, og bli møtt for den vi er og ikkje ut frå kva synlege eller usynlege annleisskapar vi kan ha med oss. Vi har alle ein alder, ein funksjonsvariasjon, ein etnisitet, ein seksualitet og eit kjønn, og vi har alle ulike fordommar mot andre.

For å mogleggjere forbetringspotensial og gevinstar de kan få av eit systematisk likestillingsarbeid i kommunen din, samarbeider vi om dette inspirasjonswebinaret. På det digitale møtet får du høyre leiarar i tre ulike kommunar og ein fylkeskommune, som deler sine erfaringar med systematisk likestillingsarbeid, og gir tips til korleis du kan arbeide godt med likestilling i kommunen din. Vi vil også løfte konvensjonen for personar med nedsett funksjonsevne (CRPD) i eit likestillingsperspektiv, på webinaret.

Program

Innhald i webinaret er:

• Velkommen og introduksjon ved Liv Signe Navarsete, statsforvaltaren i Vestland
• CRPD i eit likestillingsperspektiv, ved Elisabeth Larsen, seniorrådgjevar hos Statsforvaltaren i Vestland
• Korleis komme i gang med likestillingsarbeid
• Likestilte tenester
• Likestilt arbeidsgjevar
• Tips og råd
• Gevinstar

Vi får erfaringar frå følgjande personar:

• Rose-Marie Christiansen, rådmann i Porsgrunn
• Linda Duffy, avdelingsleder for Utvikling og tverrfaglig samordning i Viken fylkeskommune
• Merethe Wie Sandbakk, næringssjef og tidlegare mangfoldskoordinator i Bodø
• Fleire representantar frå Kvinesdal kommune

Webinaret er eit samarbeid mellom Statsforvaltaren i Vestland og følgjande likestillingssenter:

• Likestillingssenteret
• likestillingssenteret KUN
• Reform
• Senter for likestilling

Ved å melde deg på denne samlingen, samtykker du samtidig til at e-post og namn blir synleg i ein Outlook-invitasjon og i Teams-møtet. Les meir om personvern under «Lenkjer».