Søknad om anleggsarbeid i sjø til nytt kaianlegg på Eidslandet i Vaksdal kommune

Anleggsarbeidet omfattar utfylling og mudring i sjø ved kaihakk på Eidslandet i Vaksdal kommune. Statnett skal bygge ny transformatorstasjon i Krossdalen, samt kraftleidningar mellom Steinsland og Krossdalen. For å mogleggjera transporten av den nye transformatoren, vil det bli bygd eit nytt kaihakk på Eidslandet ved gnr./bnr. 35/3 og 35/73.

For å etablere kaifronten gravast det ut 1 500 m3 lausmassar over eit område på 300 m2. Dette skal gjerast frå land ved hjelp av gravemaskin. For å beskytte kaistrukturen mot erosjon, skal det fyllast ut materiale i sjøen rundt. Stein som gravast ut skal nyttast til dette føremålet, og det vil dekkje eit område på 100 m2 med eit volum på 500 m3. Oppstart av prosjektet er september 2025. Arbeida med kaihakket er venta å bli utført våren 2026, og arbeidet vil pågå i om lag fire månader.

Sweco har i vedlagte søknad beskrive arbeidet, risikovurdert anleggsarbeidet ut frå kjende marine naturtypar som kan bli påverka av anleggsarbeidet. I tillegg har dei foreslått avbøtande tiltak for å redusere fare for forureining til eit akseptabelt nivå.

Offentleg ettersyn

Saksdokumenta finn du til høgre på denne nettsida.

Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.

Merk saka med referansenummer 2025/1725. Frist for å gje fråsegn er 11. april 2025.

Alle fråsegner vert registrerte i vår postjournal. Alle må difor skrive under med fullt namn.