Digitale samlingar og nettverk om barnekoordinatorordninga

Regionalt ressurssenter om vold, traumatisk stress og selvmordsforebygging Vest (RVTS Vest), Kompetansesenter for rusfeltet Bergen (KORUS Bergen), Regionalt kunnskapssenter for barn og unge (RKBU Vest) og Statsforvaltaren inviterer alle med ansvar og oppgåver knytt til barnekoordinatorrolla til ei webinarrekkje og eit digitalt nettverk i 2025.

Du kan melde deg på alle webinara og det digitale nettverket via denne lenkja: Postliste Barnekoordinator 2025 | Helse Bergen HF

Oversikt over samlingar og tema

• Onsdag 19. mars, klokka 10.00 – 14.00: Lovkrav, rammer, dokumentasjon og forventingar til rolla som barnekoordinator 
• Onsdag 30. april, klokka 09.00 – 12.00: Tverrfagleg samarbeid og koordinering, samhandling mellom forskjellige tenester og aktørar rundt barnet og familien.  
• Onsdag 3. september, klokka 09.00 – 13.00: Vurderingar av barnets beste. Samarbeid med foreldre og barns rett til informasjon og medverknad i lys av barnekonvensjon og konvensjonen for personar med nedsett funksjonsevne (CRPD). 
• Onsdag 12. november, klokka 09.00 – 13.00: Relevante verktøy i arbeidet som individuell plan, ansvarsgrupper, malar og aktørkart. Søsken og pårørande.  

Støtte, erfaringsdeling og digitalt nettverk

I haust gjennomførte statsforvaltarane ei kartlegging av behovet i kommunane. Etter at vi i januar hadde eit informasjons- og innspelsmøte med kommunane, kom det fram at kommunane ønskjer støtte og erfaringsdeling.

Samlingane vi arrangerer skal ha rom for faglege innlegg, erfaringsdeling, brukarperspektiv og informasjonsutveksling. Vi har òg oppretta eit digitalt nettverk der medlemmane kan dele erfaringar, tipse om relevante kurs og ressursar og drøfte rolle og funksjon i ordninga. 

Godt samarbeid i regionen

Vi har gjort oss fleire nyttige erfaringar i samarbeidet mellom kompetansemiljø, Statsforvaltarar, brukarorganisasjonar og kommunar, kring til dømes førebyggande plan og nettverket for førebygging av vald og overgrep mot barn og unge.

Vi trur denne oppskrifta kan fungere godt også for barnekoordinatorfunksjonen i kommunane. For at samlingane og nettverket skal bli så nyttig som mogleg, er vi avhengige av at kommunane deler erfaringar og innspel til fagleg innhald. Vi har allereie fleire kommunar som har meldt seg til å dele erfaringar. Ta gjerne kontakt med oss om du har gode erfaringar eller faglege utfordringar du ønskjer å rette merksemda mot.