Slik finn du status for det kommunale barnevernet
Barne-, ungdoms- og familiedirektoratet har utarbeidd ein kommunemonitor på barnevernsfeltet som gjer relevant styringsinformasjon lett tilgjengeleg for kommunar, barneverntenester og andre som er interesserte i status for det kommunale barnevernet.
Dette innhaldet er meir enn eitt år gammalt. Informasjonen kan derfor vere utdatert.
Kommunemonitoren er delt inn i 25 relevante indikatorar som er fordelt på ulike tema. Ein ny indikator frå 2019 er informasjon om plassering i fosterheim i familie og nære nettverk. Monitoren er også oppdatert på ny fylkes- og kommunestruktur, inkludert nye kommunar etter kommunesamanslåinga.
I monitoren finn du tal frå SSB, kommunane sine halvårsrapportering og fylkesnemndene for barnevern og sosiale saker. Monitoren er oppdatert med KOSTRA-tal for 2018 og frå kommunane sine halvårsrapportering for 2. halvår 2018.
Det er òg laga ei eiga side der det kjem nyhender om kommunemonitoren.