Ekstraløyvingar til kommunane
Stortinget har den siste tida fatta fleire vedtak om ekstraløyvingar til kommunane. Den største løyvinga gjeld auka innbyggartilskot på 3,75 mrd. kroner.
Dette innholdet er mer enn ett år gammelt. Informasjonen kan derfor være utdatert.
Det er òg løyvd 400 mill. kroner i ekstra skjønnsmidlar til kommunane. Av dette er 200 mill. kroner allereie fordelt til fylkesmennene etter innbyggartal. Fylkesmannen i Vestfold og Telemark fordelte førre veke 15,627 mill. kroner i skjønnsmidlar til kommunane i fylket.
Inntekstbortfall og meirutgifter
Stortinget har òg oppmoda regjeringa om å kompensere kommunar for urimelege verknader av skattesvikt, inntektsbortfall og meirutgifter i samband med handtering av smittesituasjonen. Regjeringa vil komme tilbake til Stortinget med konkrete forslag til oppfølging av oppmodingsvedtaket.
Sjå dokumentet til høgre for nærare informasjon om Stortingets løyvingar og annan kommunaløkonomisk informasjon til kommunane i samband med koronautbrotet.