I dag feirar vi 50 år med internasjonalt samarbeid om våtmark
Våtmarksdagen blir markert over heile verda i dag 2. februar. Samtidig kan Ramsar-konvensjonen feira 50 år med internasjonalt våtmarkssamarbeid.
Dette innhaldet er meir enn eitt år gammalt. Informasjonen kan derfor vere utdatert.
Noreg var blant dei første landa som slutta seg til Ramsarkonvensjonen, også kalla konvensjonen om våtmark, som vart vedtatt 2. februar 1971 i den iranske byen Ramsar.
I Vestfold og Telemark har vi to internasjonale våtmarksområder under Ramsarkonvensjonen: Ilene og Presterødkilen naturreservat ved Tønsberg, og Møsvasstangen ved Møsvatn i Vinje.
På Besøkssenter våtmark Ilene i Tønsberg markerast dagen med ein natursti langs Grevestien frå besøkssenteret til fugletårnet. Her kan du skoda utover Ilene naturreservat, medan du får testa kunnskapen om våtmarker og Ramsar.
50 år med internasjonalt våtmarkssamarbeid (Miljødirektoratet)