Søknad om mudring ved Asnes i Sandefjord

Mudringa skal utførast ved Asnes, gbnr. 111/89 i Sandefjord kommune.

Formålet med å mudre er å grave ei grøft på sjøbotn for å sanere sjøvassleidningar som ikkje lenger er i bruk. Arbeidet skal utførast med gravemaskin i sjø. Det er søkt om å legge massane tilbake i grøfta når sjøvassleidningane er fjerna. Køyring med gravemaskin og midlertidig lagring av massane ved sida av grøfta fører til at tiltaket samla omfattar eit areal på inntil 1000 m2.

Sjøbotnen i tiltaksområdet er blitt analysert for miljøgifter ved 3 stasjonar, der ein stasjon er innanfor det aktuelle mudringsarealet og dei to andre er i traseen der leidninga ligger oppe på sjøbotn.  Resultata viser konsentrasjonar av miljøgifter tilsvarande tilstandsklasse II (god)  jf. klassifiseringssystem for sediment (M-608|2016 «Grenseverdier for klassifisering av vann, sediment og biota»).

I Miljødirektoratets Naturbase (kart.naturbase.no) kjem det fram at tiltaksområdet ligger i naturtypen bløtbunnsområde i strandsonen registrert som viktig (B-verdi).

Eventuelle merknader til søknaden kan merkast 2021/8477 og sendast innan 11.03.2022 til:

Statsforvaltaren i Vestfold og Telemark, Postboks 2076, 3103 Tønsberg 
eller på e-post til sfvtpost@statsforvalteren.no