Oadjebas ja buorre mánáidgárdebiras

                                                                                                                Les på norsk her 

Mánáidgárdi galgá bearráigeahččat ahte buot mánáin lea oadjebas ja buorre dilli

Jus du mielas mánáidgárdi ii bargga doarvái vai du mánás lea buorre ja oadjebas mánáidgárdebiras, de sáhtát váldit oktavuođa iežat gieldda mánáidgárdeeiseválddiin.  

Buohkat geat barget mánáidgárddis, galget bearráigeahččat ahte mánáin lea buorre dilli. Jus ollesolmmoš diehtá, dahje navdá, ahte mánná givssiduvvo, hárdojuvvo dahje ahte sus eará láhkai ii leat buorre dilli, de son galgá álo:

• mannat gaskii ja seammás bissehit loavkašuhttima
• dieđihit mánáidgárdejođiheaddjái
• guorahallat mii lea dáhpáhuvvan
• álggahit doaibmabijuid ja ráhkadit plána vai mánná oažžu oadjebas ja buori mánáidgárdebirrasa

Dieđit álggos mánáidgárdejođiheaddjái

Jus du mánás ii leat oadjebas ja buorre mánáidgárdebiras, de galggat váldit oktavuođa mánáidgárddi jođiheddjiin. Mánáidgárddi jođiheaddji galgá váldit duođas dan maid du mánná dahje don vásihat mánáidgárddis ja iskat dan mii lea dáhpáhuvvan.

Jus mánná dahje máná váhnemat dadjet ahte mánás ii leat buorre dilli, de mánáidgárdi galgá álo guorahallat mii lea dáhpáhuvvan. 

Jođiheaddjis lea ovddasvástádus dasa ahte mánáidgárdi:

• guorahallá ášši
• ráhkada čálalaš plána das mo sii áigot bargat vai du mánás šaddá oadjebas ja buorre dilli mánáidgárddisovttasbargá váhnemiiguin nu ahte mánná oažžu oadjebas ja buori
• ovttasbargá váhnemiiguin nu ahte mánná oažžu oadjebas ja buori mánáidgárdeárgabeaivvi mánáidgárdeárgabeaivvi

Mánáidgárdi galgá ráhkadit plána 

Jus mánáidgárdi beassá diehtit ahte du mánás ii leat buorre dilli mánáidgárddis, de dat ferte ráhkadit čálalaš plána mii sihkkarastá ahte mánná oažžu oadjebas mánáidgárdeárgabeaivvi.

Plána galgá sisttisdoallat:

• maid váttisvuođaid galgá čoavdit
• maid doaibmabijuid mánáidgárdi pláne
• goas doaibmabijuid galgá čađahit
• geat doaibmabijuid galget čađahit
• goas doaibmabijuid galgá árvvoštallat. Don sáhtát bivdit leat mielde plána árvvoštallamis.

Buot gielddain lea mánáidgárdeeiseváldi

Gielda lea báikkálaš mánáidgárdeeiseváldi sihke gielddalaš ja priváhta mánáidgárddiide. Gielda galgá neavvut ja bearráigeahččat ahte mánáidgárddit jođihuvvojit mánáidgárdelága mielde. Gielddas lea ovddasvástádus dasa ahte buot mánáidgárddit fállet mánáide buori ja oadjebas mánáidgárdebirrasa.

Dieđit Stáhtahálddašeaddjái

Jus du mielas báikkálaš mánáidgárdeeiseváldi ii daga maidege, de sáhtát váldit oktavuođa minguin Stáhtahálddašeaddjis. Mii váldit oktavuođa du gieldda mánáidgárdeeiseválddiin ja bivdit sin čuovvolit ahte mánáidgárdi sihkkarastá du mánnái oadjebas ja buori mánáidgárdebirrasa.