Ållo mierredusájs reguleriji rievtesvuodajt ja vælggogisvuodajt gå æjgáda æbá aktan vieso, duola degu jus libá sierranam jali sirram. Aktanviessombårkan æjgáda iehtja máhtteba sjiehtadusájt dahkat æjgátåvdåsvásstádusá, stuoves årromsaje, sæbrástallama ja sæbrástallama biednikgålo birra. Jus æjgáda æbá såbada, máhtteba goappátja iehtja ájnegattjat ássjev duobbmoståvlå åvddåj tsieggit, gånnå gatjálvis mierreduvvu. Åvddåla gå ássje duobbmoståvlå åvddåj tsieggiduvvá, de æjgáda bierriji såbadahttemij boahtet. Berajsuodjaluskontåvrå máhtti gatjálvisájt vásstedit såbadahttema birra.
Ekonomalasj dille æjgádij gaskan
Ekonomalasj dille æjgádij gaskan la dábálattjat priváhtariektálasj dille. Sæbrástallama mannogåloj merustallamin la oajvvenjuolgadussan gålo galggi sisboadoj stuorrudagá milta juogeduvvat, jus æjgáda æbá såbada gålojt juohket ietjá láhkáj. Fylkamánne máhttá mierredit gåktu mannogålojt juohket, jus ietjá vuohke gå vuohke oajvvenjuolgadusá milta, le árvvedahtte. Náv máhttá årrot duola degu jus æjgádijn la stuorra sisboahtosieradus, sæmmi bále gå mannogålo li stuore.
Fylkamánne máhttá sjiehtadusájt tjadnasin dahkat
Fylkamánne máhttá tjálalasj sjiehtadusáv æjgátåvdåsvásstádusá, stuoves årromsaje, sæbrástallama ja mannogåloj birra, juridihkalattjat tjadnasin dahkat (bággofámov sjiehtadussaj vaddet). Goappátja æjgádisj hæhttuba guorrasit háldadime giehtadallamij Fylkamánne lunna. Jus mánná le vuorrasappo gå 15 jage, de Fylkamánne máhttá ássjev giehtadallat juska dåssju akta æjgádijs davva sihtá. Æjgáda aj máhtteba duobbmoståvlå åvddåj ássjev buktet.
Æjgádijn, gejn ij la æjgátåvdåsvásstádus, la mánájlága milta huoman riektá diedojt máná birra oadtjot mánájgárdes, skåvlås, varresvuoda- ja huksodievnastusás ja politijas. Fylkamánne le gujddiminstánssa, jus dákkár diedoj rávkalvis hilgoduvvá.