Stor pågang av saker til verjemål

Fylkesmannen tok over verjemålsfeltet frå overformynderia i kommunane 1. juli 2013. Mange tek kontakt med oss på telefon, og tala på nye saker er høgt. Så langt har vi motteke om lag 900 saker. I tillegg har det vore ein del innkøyringsproblem med det nasjonale saksbehandlarsystemet. Dette gjer at saksbehandlingstida kan kome opp i tre månader for nokre sakskategoriar. Vi prioriterer det som hastar mest, men talet på hastesaker er også stort. Vi er leie for ulempene dette skaper for brukarane våre. Fylkesmannen har no sett inn ekstra ressursar for å bøta på situasjonen.