Hausting av strandsnegl
Firmaet Coastal Harvest AS i Åkrehamn har starta hausting av vanleg strandsnegl i Rogaland. Nedanfor vurderer Fylkesmannen ein del spørsmål som er reist i samband med slik næringsverksemd.
Dette innhaldet er meir enn eitt år gammalt. Informasjonen kan derfor vere utdatert.
Publisert 07.04.2005
Fylkesmannen har i si vurdering konkludert slik:
- Næringsmessig hausting av strandsnegl i strandsona krev grunneigar sitt løyve.
- Næringsmessig hausting av strandsnegl i område verna etter naturvernloven kan normalt ikkje godtakast, og krev i alle høve dispensasjon etter verneforskrifta.
- Næringsmessig hausting av strandsnegl i område som heilt eller delvis er sikra med statlege midlar, kan ikkje godtakast.
- Direktoratet for naturforvaltning blir beden om å sette i gong eit arbeid med sikte på å følgje opp framlegg til endra forvaltningsstrategi for virvellause dyr i samsvar med framlegg til Naturmangfaldlov, § 20.
Denne vurderinga er generell. Alle som vil hauste strandsnegl har eit sjølvstendig ansvar for å avklare rettspørsmålet og andre spørsmål i høve til det aktuelle prosjektet.