Sau og land, hand i hand
Sau og lam på beitet - eit sikkert vårteikn. I saue-fylket Rogaland er det omkring 200 000 vinterfôra sauer som no er i gong med å lamme.
Dette innhaldet er meir enn eitt år gammalt. Informasjonen kan derfor vere utdatert.
Lamminga er i full gong i fjøsa rundt om i fylket, og bøndene med hjelparar oppheld seg mykje av tida i fjøset for å få lamminga trygt i hamn. I år er det 2419 gardsbruk som mottek tilskot til vinterôra sau i Rogaland (figur 1).
Tal gardsbruk har gått jamnt nedover frå omkring 3100 i 1998 til 2419 per 1. mars 2021. Samstundes har tal vinterfôra sauer i Rogaland vore stabilt over tid på omkring 200 000. Med andre ord har det blitt færre og større sauebruk i fylket.
Etter kvart skal både sau og lam ut på beitet til glede for dei sjølv og oss som kan nyte godt av kulturlandskapet som dei pleiar.
