Høyring av Regionalt miljøprogram i Rogaland 2023–2026

Høyringsfrist

Frist for å kome med svar på høyringa er 1. mars 2023. Høyringssvar sender du til: sfropost@statsforvalteren.no

Kort om regionalt miljøprogram

Kva er dei største miljøutfordringane i jordbruket i Rogaland? Og kva miljøtiltak kan jordbruksføretaka i fylket få økonomisk støtte til? Regionalt miljøprogram skal vere med på å gi svar på dei spørsmåla. Noreg er eit langt land, og trykket frå dei ulike miljøutfordringane varierer frå fylke til fylke. Regionalt miljøprogram blei innført i 2005 for å styrke innsatsen i jordbruket på miljø, og har sidan vore eit verkemiddel finansiert over jordbruksavtalen. Statsforvaltaren har ansvar for å utarbeide fireårige program, for å forvalte regionalt miljøtilskot i jordbruket og for å tildele kommunane midlar til Spesielle miljøtiltak i jordbruket, SMIL. Landbruksdirektoratet kom i 2022 med sin instruks for regionale miljøtilskot 2023–2026. Instruksen gir oversikt dei regionale miljøtilskota som Rogaland kan velje å ta i bruk. 

I Rogaland involverer arbeidet Rogaland bondelag, Rogaland bonde- og småbrukarlag, Rogaland fylkeskommune, kommunal landbruksforvaltning og Norsk landbruksrådgiving Rogaland.   

Regionalt miljøprogram gir føringar for regionalt miljøtilskot i jordbruket og tilskot til spesielle miljøtiltak i landbruket (SMIL). Den inneheld strategiar for å oppnå miljømål i planen. Her er prosjektmidlar frå klima- og miljøprogrammet, KMP inkludert.

Foreslår to nye tilskotsordningar

Statsforvaltaren har laga utkast til nytt Regionalt miljøprogram i Rogaland. Forslaget blei behandla av styringsgruppa 27. januar 2023. I tillegg til å vidareføre dagens tilskotsordningar, er det foreslått å innføre tilskot til brenning av kystlynghei og tilskot til bruk av biokol på jordbruksareal. Det er også foreslått å innføre tak for maksimal mengde husdyrgjødsel per spreiing ved tilskot til nedlegging og nedfelling av husdyrgjødsel.  

Prosess fram mot høyring

Statsforvaltaren hadde i samarbeid med mellom anna Rogaland fylkeskommune og Rogaland bondelag fleire temamøte om rulleringa av regionalt miljøprogram: 

• 22. juni: Temamøte om gjødselressursane i Rogaland
• 29. august: Temamøte om friluftsliv
• 13. september: Temamøte om kulturminne og kulturmiljø- blei avlyst.
• 20. september: Temamøte om jord og jordhelse, fokus på biokull
• 27. september: Temamøte om biologisk mangfald
• 30. september: Temamøte om avrenning til vatn

Mange av innspela gitt i møta er forsøkt innarbeid i utkastet. 

Styringsgruppe for Regionalt miljøprogram

Statsforvaltaren administrerer Regionalt miljøprogram. Det er sett saman ei styringsgruppe som er med og set tilskotssatsar og føringar for Rogaland. Styringsgruppa har minimum to møte i året, og består per 1. januar 2023 av desse personane: