Heis flagg og blås opp ballongar!
Barnekonvensjonen er 25 år den 20. november. Fylkesmannen oppmodar skolar og barnehagar til å lage lokale arrangement for å markere dagen.
Dette innhaldet er meir enn eitt år gammalt. Informasjonen kan derfor vere utdatert.
20. november 1989 var ein historisk dag. Då blei barnekonvensjonen vedteken av generalforsamlinga i FN. Nå er den internasjonale grunnlova til barna våre 25 år. Det må feirast!
Marker barn sine rettar!
Sjumilssteget – for god oppvekst i Rogaland oppmodar alle kommunar i Rogaland til å feira denne dagen, i barnehagar, skular, i lag eller organisasjonar som barn deltek i. La elevråd, ungdomsråd eller barna og ungdommen sine kommunestyre få høve til å feira grunnlova til ungane våre – FNs barnekonvensjon!
Kva er barnekonvensjonen?
Barn har rett til å gå på skole, rett til kvile, fritid og leik og rett til å seie si meining i alt som angår det. FNs barnekonvensjon inneheld 42 punkt som seier kva rettar alle barn har-
Konvensjonen sin status
Ingen annan menneskerettskonvensjon har så stor tilslutning i verda som denne. I 2003 vedtok Norge at barnekonvensjonen, utan reservasjonar, har rang over andre norske lover. Dette gir konvensjonen høg status i landet vårt.
Me har lett for å tenkja at me som bur i Norge følgjer barnekonvensjonen – at det er andre land den eigentleg gjeld for. Slik er det ikkje. Svært få vaksne kjenner innhaldet i konvensjonen, og læreplanane i grunnskolen seier lite om han. Dermed er kjennskapen til barna si grunnlov liten blant dei unge.
Heis flagget, blås opp ballongar og marker dagen!
Fylkesmannen i Rogaland og Sjumilssteget – for god oppvekst i Rogaland, har eit sterkt ønske om å bidra til å auka kunnskapen om barnekonvensjonen i Rogaland. Difor inviterer me alle til å feira 25-årsdagen til konvensjonen den 20. november 2014.
Ta utfordringa
Lag lokale arrangement i barnehagar og i skular om barnekonvensjonen for å markera denne dagen!
Undervisningopplegg
Du finn gode idear og undervisningsopplegg om barnekonvensjonen på http://www.unicef.no/undervisning
Sang om barn sine rettar
Eivind Pedersen og Odd Fredriksen har laga ein sang om barna sine rettar