Nytt namn
Viken fylke vart oppløyst frå nyttår, og frå i dag heiter landets største embete Statsforvaltaren i Østfold, Buskerud, Oslo og Akershus.
Dei gamle fylka Akershus, Buskerud, Østfold, Vestfold, Telemark, Troms og Finnmark gjenoppstod frå 1. januar 2024. Regjeringa bestemte at det ikkje skulle gjerast endringar i dagens statsforvaltarstruktur. Frå 1. januar 2024 var det dermed 15 fylke og ti statsforvaltarar i Noreg.
Sidan storfylket Viken ikkje lenger eksisterer, har landets største statsforvaltarembete fått nytt namn. Namneendringa gjeld frå i dag, og er bestemt av regjeringa. Statsforvaltaren i Østfold, Buskerud, Oslo og Akershus har kontorstader i Moss, Drammen og Oslo. Sidan hovudkontoret ligg i Moss, er det Østfold som kjem først i det nye namnet.