Fin oppgang for åkerriksa og fleire stadfesta hekkingar
2013 vart eit godt år for åkerriksa i Noreg. Med heile 204 innrapporterte syngande hannar og seks påviste hekkingar går året inn som det beste sidan handlingsplanarbeidet starta opp i 2008. Det vart også rapportert om fire mogleg hekkingar.
Dette innholdet er mer enn ett år gammelt. Informasjonen kan derfor være utdatert.
Året går difor inn i rekka som det tredje beste året sidan prosjektet starta i 1995. Ut frå dei samla registreringane er det rekna ut at det i 2013 var mellom 72 og 126 hannindivid i landet. 21 % av alle syngande åkerrikser blei registrert i Oslo og Akershus, medan om lag 18 % vart registrert i Oppland . Det er uvisst kor mange hofuglar som finst i tillegg.
Hekking
Seks hekkingar vart påviste, og på ny er det Rogaland, og spesielt Karmøy, som peikar seg ut med hekkingar. Det var også registrert hekking i Oppland og Nord-Trøndelag.
Handlingsplan
Fylkesmannen i Rogaland er ansvarleg for å koordinera handlingsplanen for åkerrikse i landet. Åkerriksa har etterkvart blitt eit svært sjeldsynt innslag i kulturlandskapet i heile landet, og har status som kritisk trua (CR) på den norske raudlista (Artsdatabanken 2010). Handlingsplanen skisserer ulike tiltak for å sikra hekkeområda best mogleg. Desse er oftast på dyrka mark, og utsett slått og tilpassa slåttemetodar er dei mest sentrale tiltaka.
Sjå ellers informasjon om åkerriksa på www.akerrikse.no