Midlar frå klima- og miljøprogrammet 2019

Fylkesmannen forvaltar midlane som går til fylkesvise tiltak. Ramma for 2019 er på kr. 876 000. Utfylling av søknad skal gjerast i Altinn med innlogging via ID-porten.

Formålet med tilskotsordninga

Prosjekt som får støtte frå programmet skal medverke til å nå følgjande mål:

• at produksjon av mat skal gå føre seg med god ressursbruk og minst mogleg forureining, klimagassutslepp og tap av naturmangfald
• å auke landbruket sitt miljøbidrag, som t.d. å ta vare på kulturlandskap, kulturminne, biologisk mangfald, binding av karbon og produksjon av biogass
• å tilpasse agronomi og dyrkingssystem til eit endra klima, med sikte på å oppretthalde eller auke matproduksjonen og ta vare på produksjonsressursane

Kven kan søkje?

 Alle som arbeider med kunnskapsutvikling eller kunnskapsformidling kan søkje støtte frå programmet. I første rekke vil dette vere:

• fag- eller næringsorganisasjonar
• regionale og lokale lag og foreiningar
• kompetansebedrifter, utgreiings- og forskingsmiljø (institusjonar)
• kommunar
• andre føretak

Prioriteringar i 2019

I 2019 vil prosjekt som bidreg til å styrke kunnskapsgrunnlaget om klimavennleg driftspraksis, klimautfordringar og teknologisatsing i jordbruket bli prioriterte.

Aktuelle faglege tema kan til dømes vere:

Klimatilpassing      

• Gjødsling, jordpakking, hausting, dyre- og plantemateriale til endra klimatilhøve, dekkesystem for frukt og bær
• Førebygging av skade på jord og avling; hydroteknikk, hausteutstyr, driftsopplegg
  
  

Klimagassutslepp og karbonbinding

• Redusere utslepp av metan frå husdyr og husdyrgjødsel, lystgass frå jord og CO2 frå nedbryting av karbon i jord og frå fossile energikjelder i gardsdrifta
• Karbonbinding i dyrka jord
• Samanheng mellom reduserte utslepp, god agronomi og økonomi
  
  

Naturmangfald og kulturminne i kulturlandskapet

• Styrking og synleggjering av kulturlandskap og biologisk mangfald i kombinasjon med vanlig jordbruksdrift
• God praksis for istandsetting og skjøtsel av kulturminne og utvalde naturtypar, verneområde og prioriterte artar
• Informasjon om landbruket sitt bidrag til naturmangfald, kulturlandskap og varetaking av kulturminne

Forureining til vatn, jord og luft

• Lagring og handtering av husdyrgjødsel, jordarbeiding, plantevern i frukt og grovfôr, erosjon, arealavrenning, drenering, kantvegetasjon og fagdommar.
• Tiltak som støtter opp om godkjente vassforvaltingsplanar.
• Faktabasert kunnskapsgrunnlag rundt forureiningskjelder og effekt av tiltak, for å kunne gi god oppslutning om nødvendige tiltak.

Søknadsfristen er 1. april.

All informasjon om søknad finn du her: www.landbruksdirektoratet.no/no/lenker/agros/kmfylke