Kunngjering av løyve til forureining frå akvakulturanlegg i Gulen kommune

Firda Seafood Group AS har 11. april 2025 fått løyve etter forureiningslova til etablering av landbasert akvakulturanlegg på lokaliteten Mjåsundet.

Publisert 22.04.2025

Verksemda har fått løyve til utslepp frå ein årleg produksjon på inntil 6 100 tonn biomasse av settefisk av laksefisk. Lokaliteten skal ligge på austsida av Mjømna, med utslepp til Mjåsundet.

Statsforvaltaren har handsama søknaden etter forureiningslova. Utsleppsløyvet er ikkje gyldig før Vestland fylkeskommune har gitt løyve etter akvakulturlova.

Brev med vurdering av saka og løyvedokumenta finn du til høgre på sida. Løyva vert òg tilgjengelege på www.norskeutslipp.no.

Rett til å klage

Partane som er involvert i saka og andre med særlege interesser kan klage på vedtaket innan tre veker etter kunngjering på nettsida vår, dvs. innan 13. mai 2025. Klagen skal sendast til Statsforvaltaren, som kan gjere om vedtaket eller sender klagen vidare til Miljødirektoratet. Merk klaga med referansenummeret som står i saksdokumenta.  

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.