Fangst av laks og sjøaure i 2020
![Fiske i Åelva i Gloppen kommune. Foto: Statsforvaltaren i Vestland. Fiske i Åelva i Gloppen kommune.](/contentassets/22cffbf170e5474ca69993dec2e40bed/20070815-glo-aelva-1.jpg)
I sesongen 2020 vart det fiska totalt 42 420 kg laks og 7 364 kg sjøaure i Vestland. Av dette vart 6 129 kg tatt i sjølaksefisket i Sogn og Fjordane.
Dette innhaldet er meir enn eitt år gammalt. Informasjonen kan derfor vere utdatert.
75 % av all laks fiska i Vestland i 2020, vart fiska i Sogn og Fjordane (8025 stk fiska i elv og sjø). Til samanlikning vart det fiska 2750 laks i Hordaland. Det er ikkje opna for sjølaksefiske i Hordaland.
For sjøauren er fordelinga mellom dei to regionane om lag lik, med noko fleire sjøaure fiska i Hordaland (2852 stk) enn i Sogn og Fjordane (2533 stk).
Laks
Ein av tre laks som vart fiska i elv i Vestland 2020, vart sett ut att (3090 stk sett ut, totalt 9180 laks fiska i elv i sesongen 2020).
Flest kilo laks vart dratt opp i Lærdalselva i Lærdal kommune, med totalt 3 574 kg laks. 70 % av laksen som vart fiska i Lærdalselva, vart sett ut att (438 laks av 620 vart gjenutsett).
![Fangst av laks i elvane i Hordaland i perioden 1972 - 2020, avliva og utsett laks. Fangsttala inkluderer rømt laks tatt i elvane i fiskesesongen. 2004 var siste år med sjølaksefiske i Hordaland, før den tid kom fangst av laks i sjøen i tillegg til elvefisket. Foto: Statsforvaltaren i Vestland. Fangst av laks i elvane i Hordaland i perioden 1972 - 2020, avliva og utsett laks. Fangsttala inkluderer rømt laks tatt i elvane i fiskesesongen. 2004 var siste år med sjølaksefiske i Hordaland, før den tid kom fangst av laks i sjøen i tillegg til elvefisket.](/contentassets/22cffbf170e5474ca69993dec2e40bed/fangst-av-laks-i-hordaland.png)
![Fangst av laks i elvane i Sogn og Fjordane i perioden 1969 - 2020, avliva og utsett laks. Fangsttala inkluderer rømt laks tatt i elvane i fiskesesongen. Laks tatt i sjølaksefisket kjem i tillegg. Foto: Statsforvaltaren i Vestland. Fangst av laks i elvane i Sogn og Fjordane i perioden 1969 - 2020, avliva og utsett laks. Fangsttala inkluderer rømt laks tatt i elvane i fiskesesongen. Laks tatt i sjølaksefisket kjem i tillegg.](/contentassets/22cffbf170e5474ca69993dec2e40bed/fangst-av-laks-i-elvar-i-sogn-og-fjordane.png)
Sjøaure
Halvparten av sjøauren som vart fiska i vassdraga i Vestland 2020 vart sett ut att (2721 stk av 5372 stk).
Målt i vekt var det Eidfjordvassdraget i Eidfjord kommune som fiska mest sjøaure i fylket, med totalt 931 kg. 30 % av sjøauren som vart fiska her, vart sett ut att (143 stk av 476 stk).
![Fangst av sjøaure i elvar i Hordaland i perioden 1972 - 2020. Foto: Statsforvaltaren i Vestland. Fangst av sjøaure i elvar i Hordaland i perioden 1972 - 2020.](/contentassets/22cffbf170e5474ca69993dec2e40bed/fangst-av-sjoaure-hordaland-1972-2020.png)
![](/contentassets/22cffbf170e5474ca69993dec2e40bed/fangst-av-sjoaure-i-elvar-i-sogn-og-fjordane.png)
Ønskjer du meir data frå fisket etter laks og sjøaure i elv og sjø, finn du dette hjå Statistisk sentralbyrå.
Pukkellaks
Det vart rapportert om fangst av ein pukkellaks i vassdrag i Vestland i 2020. Det har i hovudsak vore pukkellaks frå oddetalsgenerasjonane som har vore representert i Vestland. Vi ventar difor at det kan komme meir pukkellaks i år.