Del 2: Frå foreldreheim til eigen bustad for unge med behov for tverrfaglege tenester – digital samling for alle som arbeider med barn, unge og foreldre

Ifølgje den nasjonale strategien for den sosiale bustadpolitikken «Alle trenger et trygt hjem» (2021-2024) skal alle personar med funksjonsnedsettingar, på lik linje som andre, kunne velje kor og korleis dei skal bu.

Det er mange tenester som må samarbeide når ein ung vaksen person, med behov for tverrfaglege og koordinerte tenester, er klar for å flytte frå foreldreheimen til eigen bustad. Det handlar om framskaffing av eigna bustad i ønska område, finansiering, inntektssikring, utdanning/arbeid, tenester i heimen med meir. Det kan vere krevjande for ein kommune å få koordinert alle desse, og yte gode tenester innan rimeleg tid.

Korleis kan vi skape endå betre og meir heilskaplege tenestetilbod for denne gruppa? De vil mellom anna få høyre frå Løvemammane, Sunnfjord kommune og SINTEF sin rapport «Likestilt, normalisert og inkludert? Erfaringer med kjøp av egen bolig for utviklingshemmede».

Programmet for samlinga. 

For meir informasjon og påmelding til del 1 av samlinga, kan du følgje denne lenkja: Del 1: Innanforskap og medverknad – digital samling for alle som arbeider med barn, unge og foreldre

Påmelding 

Det er gratis å delta på samlinga. Du melder deg på via skjema nedst på denne sida, og får tilsendt lenkje til samlinga 28. mai.  Ved å melde deg på denne samlinga, samtykker du samtidig til at e-postadressa di blir synleg i ein Outlook-invitasjon og i Teams-møtet.  Les meir om personvern og nettryggleik under "Lenkjer".