Webinar for kommunale skogansvarlege

Totalt planlegg vi 5 skogrelaterte, korte webinar i år, skreddersydde for dykk som jobbar med skogbruk i kommunane i Vestland fylke eller i nabofylka.

Vi ynskjer å få til god fagleg formidling og utveksling av idear og røynsler frå kvardagen. Webinarane erstattar ikkje synfaringar og hyggeleg direkteprat med dykk, men kan gi oss høve til å halde kontakt året rundt. I all hovudsak vil vi bruke Teams. Ei lukka gruppe for kommunale skogansvarlege er oppretta og kan takast i bruk etter kvart til raske spørsmål, svar, ide- og erfaringsutveksling. Dess meir vi deler, jo meir vil vi få. 

Med dette ønskjer vi å invitere dykk til eit første webinar om skogbruk 26.mai, kl.9 – 10. 

Tema for dette møtet vil vere planteaktivitet i fylket, tilskotsforvaltning, skadegjerarar i planta skog, skogplanteforedling og -kvalitet. Vi kjem med meir program og innleiarar etter kvart.

Vi treng dialog og tek imot innspel! Vi vil tilpasse webinarane til den trongen de i kommunane ser som viktigast. 

Dette webinaret vert helde med Zoom som verkty, kommande webinarar mest sannsynleg med Teams. Lenka vert sendt til dei påmeldte rett før webinaret.