Søknad om utslepp av anleggsvatn for Illvatn pumpekraftverk i Luster kommune

Dagens anlegg består av tre kraftverk, tretten magasin og eit omfattande nett av overføringar. Vassdraget har vore regulert sidan 50-talet. Hydro Aluminium skal bygge ny vassveg i tunnel mellom magasinene Illvatn og Fivlemyr, med eit tverrslag i Nørdstedalen. Det er totalt 485 000 m³ massar som skal deponerast på massedeponia Nørdstedalen og Fivlemyrane.

Hydro Energi AS har i det vedlagte søknaden risikovurdert anleggsarbeidet og føreslått avbøtande tiltak for å redusere fare for forureining og negativ påverknad til eit akseptabelt nivå.

Anleggsarbeidet er planlagt å starte opp vår/sommaren 2025, og byggeperioden er på ca. 3-4 år, der avsluttande arbeid er planlagt i 2029.

Offentleg ettersyn

Saksdokumenta finn du til høgre på denne nettsida.

Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.

Merk saka med referansenummer 2025/1785. Frist for å gje fråsegn er 10. mars 2025.

Alle fråsegner vert registrerte i vår postjournal. Alle må difor skrive under med fullt namn.