Beredskapslagerets tid er ikkje forbi!

Utbrottet av korona syna at samfunnet ikkje hadde tilstrekkelig beredskap med smittevernmateriell i kommunar og på sjukehus.  Lagra skal dekkja kommunanes behov for eigne tenester i sjukeheimar, legevakter, heimesjukepleie, helsestasjonar med meir.

For nokre tiår sidan var lagre av materiell, forsyningar, reservedelar ein systematisk del av beredskapen i kommunar, fylke og nasjonalt. Det var og eit mål at beredskapen vart styrka gjennom spreiing av lagre.  

-Sidan 1990 har forsyningsmodellane og ikkje minst logistikken endra seg i stor grad. Lagre vart bygde ned og prinsippet om «just-in-time» vart akseptert som tilstrekkeleg beredskap. I dag sikrar næringslivet ein aukande del av våre samfunnskritiske tenester, seier fylkesberedskapssjef Jan Helge Kaiser, hjå Fylkesmannen

Når koronaen råka verdssamfunnet sette Helsedirektoratet i gong med ein statleg finansiert forsyningsløysning for smittevernmateriell til kommunar, sjukehus og anna helseteneste. Sykehusinnkjøp A/S fekk i oppdrag å koordinera og kjøpa inn materiell til kommunar og sjukehus. I tillegg har kommunane på eigen hand også skaffa ein del materiell.

I dag har me byrja å bygge lagre for smittevernmateriell nasjonalt og i den einskilde kommune. I tillegg har me i Vestfold og Telemark bygd eit lager som skal væra ein buffer dersom ein eller fleire kommunar kjem i ein situasjon kor eigne lagre ikkje strekk til.

- Eg er særs nøgd med at me på kort tid fekk til eit slikt samarbeid, seier fylkesmann Per Arne Olsen. Lageret gjev god beredskap, men samarbeidet har i seg sjølv ein positiv effekt for beredskapen, og kan nyttast som modell for andre situasjonar.

-Eg vil og leggja til at både politikarar og leiarar i kommunane i større grad må være viljuge til å prioritera beredskap og lagre, sjølv i tronge kommunale budsjett. Det gjeld ikkje berre smittevernmateriell, moglege legemidlar er eit anna eksempel på at me er sårbare, avsluttar Olsen.