Sandvik naturreservat i Fyresdal

Generelt            

Området omfattar Kråknuten som ligg 723 meter over havet og Hokås 576 meter over havet med tilhørande koller og lisider på nordsida av Russvatnet i Fyresdal. Russvatnet er ein del av Napevatn som er eit reguleringsmagasin med høgaste reguleringsgrense på 512 meter over havet. 

Topografi

Området har forholdsvis variert topografi som omfattar koller, sør-, søraust- og sørvestvende lisider, myrflater, bakkemyr, bergvegger og sva. Høgdespennet strekkjer seg frå 500-975 meter over havet.

Verneformål    

Føremålet med naturreservatet er å taka vare på eit område som har særleg verdi for biologisk mangfald på grunn av førekomst av skogtypar som gamal låglandsgranskog og med ein betydeleg del furuskog i samanbrotsfase. Det er ei målsetjing å behalde verneverdiane i mest mogleg urørd tilstand, og eventuelt vidareutvikle dei.

Naturfagleg kvalitet       

Området har særskild naturvitskapeleg verdi på grunn av førekomsten av eldre barskog på høg bonitet. Naturreservatet har lokal til regional verneverdi (*/**).

Gamal granskog har middels udekka vernebehov i Telemark. Eldre furuskog på høg bonitet er og sjeldant i regionen.

Trass i at eldre skog dominerer store delar av det undersøkte område er det få areal med riktig gammal skog. Eksempelvis vart ei gran i aust anslått til ca. 140 år, og ei furu til ca. 130 år.