Forskriftsregulerte bransjar

Krematorium (kap. 10)

Utslepp frå krematorium er regulert av kapittel 10 i forureiningsforskrifta.

Krematorium blir delt inn i to kategoriar:

• kategori I: krematorium med 200 eller fleire kremasjonar per år
• kategori II: krematorium med mindre enn 200 kremasjonar per år

Forskrifta stiller blant anna krav til:

• utsleppsgrenser
• forbrenningstemperatur
• skorsteinshøgde
• utslepp av røykgass

Krematorium i kategori I skal rapportere resultat frå utsleppsmålingar til Statsforvaltaren innan 1. mars kvart år.

 For at krematoriet skal være lovleg etter kapittel 10, skal verksemda seinast innan ein månad etter oppstart sende ei melding med opplysningar om krematoriet til Statsforvaltaren.

Asfaltverk (kap. 24)

Kapittel 24 omfattar stasjonære og mobile asfaltverk med ein produksjonskapasitet på inntil 200 tonn vegmasse pr. time. Større anlegg må ha eige løyve.  Anlegg med produksjon på same stad i inntil 2 år vert rekna som mobilt asfaltverk. 

Forskrifta stiller blant anna krav til:

• plassering i forhold til næraste bygningar
• plikt til å hindre støvflukt og luktulemper
• reinsing og utslepp av avgassar
• støygrenser
• journalføring

Anlegg skal i god tid før oppstart eller produksjonsendring sende inn utfylt meldeskjema til Statsforvaltaren. Du finn skjemaet til høgre på denne sida.

Fiskeforedlingsverksemder (kap. 26)

Kapittel 26 gjeld for verksemder som slaktar eller foredlar fisk, skjell, blautdyr og skaldyr, som har utslepp til sjø og bruker 50 tonn råstoff eller meir per år.

Verksemder som produserer meir enn 75 tonn ferdig produkt i døgnet må ha eige løyve. Kapittel 26 gjeld heller ikkje for bedrifter som produserer fiskeolje, fiskemjøl eller fiskefôr.

 Forskrifta stiller blant anna krav om:

• reinseanlegg for prosessutsleppsvann
• plikt til å redusere sjenerande lukt
• journalføring

Anlegg skal i god tid før oppstart eller produksjonsendring sende inn utfylt meldeskjema til Statsforvaltaren. Du finn skjemaet til høgre på denne sida.

Utslepp til luft frå mellomstore forbrenningsanlegg (forureiningsforskrifta kap. 27)

Forureiningsforskrifta kapittel 27 gjeld forbrenningsanlegg frå 1 MW og inntil 50 MW, som brenn faste, flytande eller gassformige brensel.

To eller fleire forbrenningsanlegg, som etter § 27-7 skal reknast som eit forbrenningsanlegg, kan være omfatta av forskriftskapittelet sjølv om den samla kapasiteten er 50 MW eller meir, jf.  § 27-2 andre ledd).

Forskrifta stiller blant anna krav til:

• spreiingsberekningar og skorsteinshøgde
• brensel
• utsleppsgrenser
• drift av forbrenningsanlegget
• utsleppsmålingar
• journalføring

Miljødirektoratet har utarbeida rettleiar for utslepp til luft frå mellomstore forbrenningsanlegg: Utslipp til luft fra mellomstore forbrenningsanlegg - miljodirektoratet.no

Meldeplikt og søknad om løyve

Dei fleste anlegg, som er omfatta av kapittel 27, skal sende melding til forureiningsstyresmakta, men det er nokon unntak.

Det er meldeplikt både for nye og eksisterande forbrenningsanlegg. Verksemda skal i god tid før planlagt oppstart sende melding til forureiningsstyresmakta med dei opplysningane som går fram av vedlegg 1 i kapittel 27. Skjema for melding finn du til høgre på denne sida.

For nokon forbrenningsanlegg er det krav om løyve (§§ 27-4, 27-5 og 27-6) etter forureiningslova. Søknad om løyve, må minst innehalde opplysningane gitt i vedlegg 1. Forureiningsstyresmakta behandlar søknader om løyve etter forureiningsforskrifta kapittel 36.

Eit forbrenningsanlegg kan ikkje starte opp før det har fått melding frå forureiningsstyresmakta om at det er registrert (§ 27-4) eller det har fått løyve (§ 27-5).

Forureiningsstyresmakta skal ta stilling til om forbrenningsanlegget kan registrerast og starte opp, innan ein månad etter mottak av fullstendig melding om eit nytt forbrenningsanlegg. Behandling av søknad skal starte innan ein månad etter mottak av fullstendig søknad.

Kjemisk/elektrolytisk overflatebehandling (kap. 28)

Kapittel 28 gjeld for verksemder med kjemisk/elektrolytisk overflatebehandling med ei avløpsvassmengd på under 100 m³/døgn og/eller verksemder der totalvolumet av prosessbada er mindre enn eller lik 30 m³. Større verksemder må ha eige løyve.

Forskrifta stiller blant anna krav til:

• utsleppsgrenser
• lagring/sikring/merking av prosessbad
• kjemikaliar
• avfall
• journalføring

Anlegg skal i god tid før oppstart eller produksjonsendring sende inn utfylt meldeskjema til Statsforvaltaren. Du finn skjemaet til høgre på denne sida. 

Miljødirektoratet har utarbeida faktaarket «Miljøkrav for virksomheter som driver med kjemisk/elektrolytisk overflatebehandling» (M-1349|2019). Oppsummering frå nasjonal tilsynsaksjon ved bransjen galvano i 2019, kan du finne i M-1499|2019.

Mekanisk overflatebehandling (kap. 29)

Kapittel 29 gjeld for mekanisk overflatebehandling av metallkonstruksjonar samt vedlikehald og reparasjonar av metallkonstruksjonar knytte til faste anlegg/installasjonar, inkludert skipsverft.

Verksemder som har ein forbrukskapasitet på over 150 kg/time eller over 200 tonn/år av innsatsstoffar til overflatebehandling som er basert på organiske løysemiddel, må ha eige løyve frå Miljødirektoratet. Kapittel 29 gjelder ikkje på kontinentalsokkelen.

Forskrifta stiller blant anna krav til:

• tiltak
• utsleppsgrenser
• støy
• journalføring

Anlegg skal i god tid før oppstart eller produksjonsendring sende inn utfylt meldeskjema til Statsforvaltaren. Du finn skjemaet til høgre på denne sida.

Produksjon av pukk, grus, sand og singel (kap. 30)

Kapittel 30 gjeld for midlertidige/mobile og stasjonære knuseverk og siktestasjonar som produserer pukk, grus, sand og singel. Anlegg med produksjon på same stad i inntil 1år vert rekna som mobil verksemd.   

Forskrifta stiller blant anna krav til:

• skjerming
• tiltak
• utsleppsgrenser
• støy
• journalføring

Verksemder, både stasjonære og midlertidige/mobile skal i god tid før oppstart av nye anlegg eller utvidingar/endringar sende utfylt skjema til Statsforvaltaren. Du finn skjemaet til høgre på denne sida.

Miljødirektoratet har utarbeida rettleiaren «Miljøveileder for pukkverk» (M-1136|2018). Oppsummering frå nasjonal tilsynsaksjon ved pukkverk i 2018, kan du finne i M-1151|2018.

Produksjon av fabrikkbetong og betongelement (kap. 33)

Kapittel 33 gjeld verksemder som produserer fabrikkbetong, betongvarer og betongelement, men gjeld ikkje utslepp frå produksjon av ferdigbetong på byggeplass o.l. eller for mottak av betongavfall.

Føresegna set ei rekkje krav til verksemdene bl.a. om:

• Utslepp til vatn
• Målingar og måleprogram
• Handtering av betongavfall
• Journalføring av dokumentasjon
• Meldeplikt til Statsforvaltaren

Verksemder som produserer fabrikkbetong, betongvarer og betongelement skal i god tid før oppstart av nye anlegg eller utvidingar/endringar sende melding til Statsforvaltaren. Du finn skjemaet til høgre på denne sida.

Den ansvarlege for eksisterande verksemd som omfattast av dette kapittelet, skal sende melding til Statsforvaltaren innan eitt år etter at dette kapittelet trer i kraft, dvs. innan 01.01.24. Du finn skjemaet til høgre på denne sida.

For eksisterande verksemder gjeld ikkje krava i § 33 -5 om grenseverdiar for tungmetall og suspendert stoff, samt § 33 – 6 om pH -verdi i utslepp av prosessavlaupsvatn før 01.01.2026 jf. overgangsføresegnene i § 33 -18.

Akvakultur (kap. 34)

Dette kapittelet gjeld akvakultur av fisk i sjø ut til ei nautisk mil utanfor grunnlinjene.

Det gjeld likevel ikkje for anlegg som er avhengig av vassinntak og avløp. Det gjeld heller ikkje for fangstbasert akvakultur, drift av restitusjons- og mellomlagringsmerdar for levandelagring av villfanga fisk og oppbevaring av matfisk i slaktemerdar ved slakteri.