NMSK skogkultur - utvida frist for føring
For å prøve å få ut mest mogleg av NMSK-midlane i år, tøyer vi kommunane sin frist for å handsame søknadar om tilskot til skogkultur til 9. desember. Det vert absolutt siste frist, før Landbruksdirektoratet stenger tilskotssystemet.
Dette innhaldet er meir enn eitt år gammalt. Informasjonen kan derfor vere utdatert.
Det står framleis meir enn 1,3 millionar kroner ubrukt av NMSK-midlane til skogkultur i 2021. Kommunane hadde frist 3. desember for føring av tilskotssaker i ØKS. Vi ønskjer å bruke opp mest mogleg av tildelte midlar for 2021, og vi veit at det vert gjennomført mykje ungskogpleie i fylket vårt i desse dagar.
Om kommunen bruker opp den tildelte ramma med NMSK-midlar, kan de søkje Statsforvaltaren om ekstratildeling. De må i slike tilfelle ikkje føre saker i ØKS før de har fått innvilga tilleggsløyve frå oss.