Informasjon om fordeling av midlar til kommunane til skogsvegar, taubane o.a. for 2020 - tilleggsløyvingar, omdisponeringar o.a.
Fylkesmannen i Vestfold og Telemark har fordelt 5,2 mill. kr til kommunane for 2020, jf. brev datert 28.01.2020. Resten av midlane, kr 2,1 mill. kr, blir fordelt til kommunar som melder inn ekstra behov i løpet av 2020.
Dette innhaldet er meir enn eitt år gammalt. Informasjonen kan derfor vere utdatert.
Kommunane melde inn eit samla behov for tilskot til veg, taubane o.a. i 2020 på 20,5 mill. kr.
Søknader om ekstra midlar til skogsvegar
På grunn av stor etterspørsel etter tilskotsmidlar til skogsvegar og oppstart av bygging ber Fylkesmannen kommunane til kontinuerleg å melde inn behov for ekstra midlar til vegbygging for eitt eller fleire veganlegg klargjorde for løyving med følgjande opplysingar om veganlegga:
- Veganlegga i prioritert rekkjefølgje i forhold til behov for tilskot.
- Forventa byggjestart i månad og år.
- Byggjekvalitet og vegklasse, med referanse til byggjeplan.
- Søknadsnummer for registrert søknad om tilskot i ØKS (Registrerte vegprosjekt).
Løyving av ekstra midlar til skogsvegar
Fylkesmannen vil gjennomføre ekstra løyving til kommunane kontinuerleg gjennom 2020 etter følgjande prioritering:
- Skogsbilvegar i klasse 3 og 4 med høg byggjekvalitet, inkl. bruer.
- Forventa byggjestart i 2020.
For ekstra løyving om tilskot føreset Fylkesmannen følgjande:
- Skogsvegen er godkjent etter landbruksvegforskrifta eller etter plan- og bygningslova.
- Det er utarbeidt byggjeplan for tiltaket.
- Skogsvegar er registrerte som søknad om tilskot i ØKS.
Omdisponering av tilskot mellom kommunar
Dersom kommunar blir kjend med at skogsvegar av ein eller annan grunn ikkje blir bygde, anten dei er gitte og tilskotet blir trekt inn eller overførte midlar for 2020 ikkje blir brukt dette året ber Fylkesmannen kommunane om å melde frå om dette for evt. omdisponering av midlar mellom kommunane.
KMD nemner i sitt brev 20.12.2019 at Fylkesmannen i tillegg til å fordele tilskotsramme også skal fordele midlar gjennom året dersom det er nødvendig for å utnytte midlane optimalt.
Gjennomføringsfrist - inntrekking av tilskot
Fylkesmannen ber kommunane til regelmessig å sjekke veg der fristen for gjennomføring nærmar seg eller har gått ut og ferdigstilling av tiltaka eller evt. inntrekking av tilskot. Tilskot trekt inn av kommunane i løpet av året tilkjem den einskilde kommunen for løyving av nye tiltak eller tilleggsløyvingar til allereie overførte tiltak, mens tilskot som ikkje blir brukt i 2020 vil bli trekt inn av Fylkesmannen for ny fordeling neste år.
Overordna retningslinjer for søknader om tilskot til skogsvegar
Kommunane skal fastsetje overordna retningslinjer for søknader om tilskot til skogsvegar. Fylkesmannen har lagt ut forslag til retningslinjer på heimesida si, jf. følgjande link.
Landbruksdirektoratet nemner i informasjonsbrevet sitt 19.12.2019 til kommunane om overføring av oppgåver på landbruksområdet frå Fylkesmannen til kommunane at det er ein fordel om kommunane kan samarbeid om felles retningslinjer i ein region.
Tilsegn om tilskot
På same nettstad som retningslinjer for tilskot har Fylkesmannen lagt ut forslag til mal for brev for vedtak om tilskot til det enkelte tiltak, jf. link ovanfor.
Frist for melding om behov for ekstra midlar og midlar til omdisponering mellom kommunar
Dersom det er midlar tilgjengeleg etter kontinuerleg løyving av ekstra midlar til kommunane vil desse bli fordelte 2. halvår. For endeleg melding om behov for ekstra midlar i 2020 og melding om ubrukte midlar for omdisponering mellom kommunar er frist 15. september 2020.
Ta kontakt ved spørsmål knytt til midlane til skogsvegar, drift med taubane o.l.