Solcellepanel på fulldyrka jord

Modum kommune ga løyve til omdisponering og deling i samband med at fulldyrka jord blei leigd ut til utplassering av solcellepanel. Statsforvaltaren i Oslo og Viken gjorde om Modum kommune sitt vedtak, og Hydropower AS klaga statsforvaltarens vedtak inn for Landbruksdirektoratet.

I vedtak datert 4. mai 2023, har Landbruksdirektoratet gitt Hydropower AS medhald i klaga.

Landbruksdirektoratet tek stilling til om utplassering av solcellepanel er «jordbruksproduksjon» etter jordlova § 9. Dei legg til grunn at tiltaket ikkje er jordbruksproduksjon, sjølv om arealet òg skal nyttast til beite, og at det derfor er nødvendig å søke om løyve til omdisponering.

Landbruksdirektoratet vurderte så om det var «særlege høve» som gjorde at det kunne bli gitt løyve, og kom til at samfunnsnytten ved å produsere grøn energi var større enn ulempene. Det ble derfor gitt løyve til både omdisponering og deling.

Viss du vil lese vedtaket, ligg det under fanen «Lenker» på høgre side.