Husbanken lyser ut tilskot til bustadtiltak
Tilskotet skal legge til rette for fleire eigna bustader i heile landet, gjennom testing av nye bustadtiltak. Det skal også stimulere til kunnskapsutvikling, nytenking og innovasjon. Søknadsfrist er 1. april 2024.
Dette innhaldet er meir enn eitt år gammalt. Informasjonen kan derfor vere utdatert.
Målet med tilskotet er å støtte prosjekt som på ulike måtar bidreg til å førebygge at folk blir vanskelegstilte på bustadmarknaden og som kan bidra til at alle kan skaffe seg, og behalde, ein god bustad, uansett kor i landet du bur.
Tilskotet støttar regjeringa sin strategi for den sosiale bustadpolitikken: Alle treng ein trygg heim (2021-2024).
Tilskotet kan gå til
- bustadsosiale tiltak
- bustadtiltak i distrikta
- leigebuarorganisasjonar
Les meir om tilskotsordninga og send inn søknad på Husbanken sin nettstad Tilskot til bustadtiltak - Husbanken
Søkerkonferanse 29. februar
Ønskjer du å lære meir om tilskot til bustadtiltak? Då kan du melde deg på til ein digital søkarkonferanse 29. februar 2024, les meir og meld på Webinar: Søkerkonferanse om tilskudd til boligtiltak 2024 - Husbanken