Kontakt oss

Vel digital postkasse

Statsforvaltaren ønskjer å sende deg post digitalt i staden for på papir. Vi kan ikkje sende deg vedtaksbrev eller sensitiv informasjon på e-post fordi det ikkje er sikkert nok. Ei digital postkasse er sikker, og her kan du lagre posten din så lenge du ønskjer. Det er to leverandørar av digital postkasse, e-Boks og Digipost. Vel digital postkasse på nettsida til Noreg.no.

Unngå å bruke e-post til sensitiv informasjon

Du bør ikkje sende sensitive opplysningar til oss via e-post eller sosiale medium. Ukryptert e-post går ikkje direkte frå sendar til mottakar, men via mange knutepunkt før innhaldet kjem fram til oss. Kommunikasjonen kan i verste fall bli overvaka eller analysert av andre. 

I mange tilfelle har vi digitale skjema og tenester du kan bruke, sjå oversikt over skjema og tenester her. I skjema der det er naturleg å leggje inn sensitiv informasjon, må du bruke ein elektronisk ID (e-ID) for å logge inn. Ein elektronisk ID er dessutan viktig for å bekrefte at du er den du seier at du er, og for at vi skal kunne få tilgang til opplysningar om deg.