Fleire klaga på eksamen i norsk sidemål
Fylkesmannen i Sogn og Fjordane har fått inn 456 klagar på skriftleg eksamen i norsk sidemål i grunnskulen. Klagane kjem frå heile landet og det er registrert ein liten auke i omfanget.
Dette innhaldet er meir enn eitt år gammalt. Informasjonen kan derfor vere utdatert.
Elevane i grunnskulen kan klage på eksamenskarakteren sin. Klagen kan ende med at eleven går opp eller ned i karakter, eller at ingenting blir endra. Talet på klagar varierer frå år til år. I 2013 er det fleire klagar enn i 2012, men færre enn i 2011.
Alle klagar skal sendast til skulen der du er elev. Klagen blir behandla av sensorgrupper oppnemnt av Fylkesmannen. Sensorgruppene vurderer om karakteren er rett og gir eventuelt ein ny karakter dersom dei meiner karakteren er urimeleg. Eleven slepp å grunngje klagen sin.
I 2012 fekk 28,5 prosent av klagarane endra karakteren sin. Nokre av desse fekk dårlegare karakter etter at klagen var vurdert.