Gratis advokatbistand i strandsonesaker

Direktoratet for naturforvaltning (DN) har sendt brev til alle kommunar, fylkeskommunar og fylkesmenn for å orientere om at ordninga med gratis juridisk bistand til kommunane i strandsonesaker vert vidareført i 2013.

Målet med ordninga er m.a. å hjelpe kommunane med å sikre allmenta sin tilgang til strandsona og å ivareta andre allmenne interesser. Jussbistandsordninga kan nyttast i strandsonesaker som kjem innafor friluftslova, plan- og bygningslova og naturmangfaldlova

Kommunar som har krevjande juridiske problemstillingar i strandsona, vert oppmoda om å ta kontakt med direktoratet.