Kven synest du bør få den nasjonale kulturlandskapsprisen?

Kulturlandskapsprisen blir delt ut til noen som har gjort ein spesiell innsats for kulturlandskapet. Både lag, foreiningar, institusjonar og privatpersonar kan nominerast. Innlandet har tre tidlegare vinnarar: Nordheradsprosjektet i Vågå, som fekk prisen i 2009, "historiske hagar" ved Marianne Olssøn og Ingeborg Sørheim i Ringsaker som fekk prisen i 2012 og nettverket "Eventyrlige Stange vestbygd" som vart prisvinnar i 2022 (sjå omtale av prisutdelinga til nettverket).

Statsforvaltarene, bondeorganisasjonane og andre er inviterte til å nominere kandidatar. Vi treng gode forslag til kven som bør få prisen i år! Send forslaget ditt med ei grunngjeving til sfinpost@statsforvalteren.no eller som sikker melding med "Kulturlandskapsprisen 2025" i tittelfeltet. Fristen for å sende inn forslag er 25. april. Sjå punkta nedanfor som gir ein peikepinn om kva du bør legga vekt på i grunngjevinga.

Det er stiftinga Norsk kulturarv som i samarbeid med Landbruks- og matdepartementet og Landbruksdirektoratet deler ut prisen. I juryen sitt og bondeorganisasjonane, Riksantikvaren og Landbruks- og matdepartementet.  Prisen er eit grafisk blad utført i tresnitt av Hans Normann Dahl og 50 000 kroner som er løyvd av Landbruks- og matdepartementet. Kandidatane blir vurderte etter følgjande kriterium:

• Det skal vera gjort ein ekstra innsats for kulturlandskapet
• Det skal bidra til heilheit og mangfald i/for kulturlandskapet
• Det skal bevare og synleggjera kulturlandskapet
• Det skal vera knytta til bærekraftig skjøtsel, aktivt landbruk og moderne drift av kulturlandskapet
• Det skal auke tilgjengelegheita for allmennheita til kulturlandskapet
• Det skal ha en læringseffekt om kulturlandskapet
• Det skal forankre norsk kulturarv i kulturlandskapet
• Det skal visast samanheng mellom natur og bygningar i kulturlandskapet
• Det skal visast samanheng mellom kulturlandskap og verdiskaping

Du må ikkje svare på alle punkta i grunngjevinga, bruk dei som passar best. Ei god grunngjeving er uansett det viktigste! Du kan og sende med bilete, dokument og anna som utfyller det du har skrive.

Målet med å dele ut ein årleg nasjonal kulturlandskapspris er å

• Bevisstgjera allmennheita på utfordringar i forhald til kulturlandskapsverdiar
• Auke kunnskapsnivået om kulturlandskapet
• Bevisstgjera miljøverdiane i kulturlandskapet
• Stimulere til å ta vare på og utvikle kulturlandskapet gjennom gode eksempel