Nytt rundskriv T-3/12 om myndigheit etter forureiningslova
Dette rundskrivet omtalar mynde gitt Fylkesmannen etter forureiningslova med forskrifter og etter oreigningslova. Rundskrivet erstattar rundskriv T-5/91 og alle andre delegeringar av saksområde til Fylkesmannen fram til fastsettinga av dette rundskrivet.
Dette innhaldet er meir enn eitt år gammalt. Informasjonen kan derfor vere utdatert.
Etter at forureiningslova kom i 1981 er det gitt ei rekke delegeringar til Fylkesmannen. I 1991 blei det i rundskriv T-5/91 gjort ei opprydding i tidlegare delegeringar. Etter dette kom det fleire endringar, både av delegeringar og regelverksendringar inkludert endringar i omgrep.
Rundskriv T-3/12 (sjå vedlegget nedanfor) om delegering av mynde etter forureiningslova og oreigningslova er utarbeidd for å klargjere kva avgjerdsrett Fylkesmannen har på forureiningsområde i tråd med praksis etter tidlegare delegeringar.
T-3/12 inneheld ingen endringar i Fylkesmannen sitt fullmaktsområde, men er ei presisering av gjeldande praksis. Tidlegare delegeringar er oppheva, også delegeringar som er gitt før rundskriv T-5/91.