Sommarnytt frå Sauda
Sommaren er også kommen til Sauda. Beitedyra er sleppte på beite og det er berre velstand.
Me har motteke ei sommarhelsing frå Sauda kommune som vi ønskjer å dele med alle.
Husdyrproduksjon
Tal føretak som søkjer produksjonstilskot ligg på om lag 60 pr. år.
Hovudproduksjon består av: Sau, storfe, mjølkeproduksjon og ammekyr. Ein har produksjon av egg, gris og frukt.
Det som særpregar landbruket i Sauda er tilgang til og nærleik til hei og utmarksbeite, noko som og gjenspeilar seg i den store overvekta av sauedrift.
Tal på mjølkebesetningar har gått ned i frå 6 i 2008 til 2 i 2023. Det er også ein reduksjon i øvrig storfe.
Slaktegrisbesetningane har dei siste åra blitt redusert frå 9 til 5. Sau er relativt stabilt, men mange har gått over til utegangarsau. Dette er eit utviklingstrekk som er positivt for kulturlandskapet.
Arealfordeling
Arealet fordelar seg slik: 3573 da fulldyrka (0,7%), 477 da overflatedyrka (0,1%), 4433 da innmarksbeite (0,8 %), 113 725 da skog (20,8%), 4548 da bygning/samferdsel (0,8%), 291 108 da anna markslag (53,3%), 128 681 da ikkje kartlagt (23,5 %).
Utfordringa ligg i å stimulere og bidra til fortsatt drift av alle gardsbruk for slik å hindra gjengroing av både innmarks- og utmarksareal samt hindre forfall av stølsområde og eldre bygg som ikkje lenger er ein del av den aktive drifta på gardane.
Utviklingsprosjekt
I 2024 her det gitt midlar gjennom Rogaland fylkeskommune sine rekruttering- og kompetansehevingsmidlar til prosjektet Saudabonden 2024. Det skal vere tre samlingar med fokus på Saudabonden, og det er god deltaking i prosjektet.
