Analyserer utviklingstrekk i landbruket

Vi har til vanleg eit møte i slutten av året, m.a. for å få presentert status frå Innovasjon Norge når det gjeld tildeling av investeringsmidlar. Dette møtet er nyttig for å kunne skaffe grunnlag for målretta for bruk av midlane i 2019.

Mål om 20 nye mjølkefjøs med 15-30 kyr i 2019

Vårt oppdragsbrev er eit styringsdokument for målretta bruk av investeringsmidlane i Rogaland. I 2018 er det ei særleg prioritering av mindre mjølkefjøs basert på eige grovfôrgrunnlag og mjølkekvote. Det viser seg at det har vore ein tydeleg auke i løyvingar innan denne målgruppa, og at mobiliseringa har gitt resultat. Det er også grunn til å tru at dette også vil få positive konsekvensar for 2019, der målet bør vere 20 nye mjølkefjøs i denne målgruppa. Vi er her i ein kritisk situasjon når det gjeld behovet for fornying av driftsapparatet.

Miljøtiltak vil ha prioritet

Vi fekk også informasjon i møtet om at det er finansiert ein del nye gjødsellager med grunnlag i den ordninga vi blei samde om i møtet i juni. Dette blir ei viktig satsing også i 2019.

Strategi for 2019 blir avklart i februar

Ut over det som her blir nemnt, vil prioriteringa av investeringsmidlane i 2019 bli endeleg avklart i neste møte som er avtalt til 20. februar 2019. Dette gjeld m.a. vidare satsing på storfekjøt og frukt og bær .

Fjørfenæringa har store utfordingar

Tone Steinsland frå Rogaland fjørfelag orienterte om utfordringar knyta til omlegging til frittgåande høner. Eventuell støtte til dette vil bli teke opp i møtet i februar.

Regionalt bygdeutviklingsprogram (IBU)

Sluttversjon av Regionalt bygdeutviklingsprogram blei presentert i møtet. Det kom ein del forslag til justering, og det blei gitt fullmakt til landbruksdirektøren til å sluttføre dokumentet. Det kjem meir informasjon om dette i eiga nettsak.

Elles orienterte Rogaland fylkeskommune om nyleg vedteken Strategi for bioøkonomi i Rogaland.