Nasjonal jordvernpris 2025- kandidat frå Rogaland?

Føremål og målgruppe

Stortinget vedtok første gang i 2015 ein nasjonal jordvernstrategi, og strategien blei siste gang oppdatert i samband med stasbudsjettet 2023. Eit av tiltaka i jordvernstrategien varr å etablere ein nasjonal jordvernpris. Jordvern er blitt eit stadig meir tidsaktuelt tema, ikkje minst sett i høve til sjølvforsyning. Landbruks- og matdepartementet har nyleg kome med ei eige motsegnsrundskriv om jordvern.

Statsforvalteren er på ny utfordra om å sende kandidatar frå eige fylke til Landbruks- og matdepartementet innan 1. mai i år.

Korleis føreslå kandidat?

Statsforvaltaren i Rogaland ønskjer grunngjeve forslag til kandidat. Kandidatar må vere kommune eller fylkeskommune (eventuelt i samarbeid med andre aktørar) som du meiner fortener årets jordvernpris.

Forslag må bli sendt oss innan onsdag 15. april 2025.

Statsforvaltaren vil vurdere innkomne forslag og fremje ein kandidat frå Rogaland til den nasjonale jordvernprisen 2025. Alternativt at vi fremjar ein kandidat.

Dette vil bli vektlagd:

• Konkrete, oppnådde resultat
• Ambisiøse, planlagde tiltak
• Gode informasjonsprosjekt
• Nyskapande prosjekt og verktøy for jordvern
• Integrering av jordvernomsyn i ulike prosessar
• Andre forhold som tilseier at jordvern blir prioritert høgt

Sjå elles statuttane i høgremargen.

Forslag kan sendast elektronisk til:

anfinn.rosnes@statsforvalteren.no