Ungdom er engasjert i nærmiljøet sitt
Engasjerte ungdommar frå åtte kommunar var i går samla på framtidsverkstad i Sandnes. Oppgåva var å drøfta kva som er viktig for nærmiljøet i dag og i framtida.
Dette innhaldet er meir enn eitt år gammalt. Informasjonen kan derfor vere utdatert.
Dei 35 ungdommane frå Klepp, Time, Hå, Gjesdal, Sandnes, Sola, Randaberg og Stavanger var samla på Vitenfabrikken i Sandnes som eit ledd i arbeid med kommunereforma. Hovudtemaet var kva som er viktig der du bur - i dag og i framtida. Det kom fram mange gode synspunkt, og oppsummeringa frå gruppearbeida blei overlevert til dei åtte ordførarane i kommunane. Gode fritidstilbod til ungdom, og godt utbygd kollektivtransport, er døme på tema som gjekk igjen i gruppene, men innspela hadde stor breidde.
Artikkelen held fram under biletet.
Kva bør kjenneteikna staden me bur?
Involvering viktig
Informasjon og involvering er ein viktig del av arbeidet med kommunereforma, og ungdom er her ei særs viktig målgruppe. Arrangementet i Sandnes er eit godt døme på korleis kommunane kan involvera ungdommane i prosessen.
Ungdommane arbeidde i grupper og leverte innspela sine til ordførarane.
For meir informasjon viser me til nettstaden MinNyekommune.
Kontaktpersonar
-
Anfinn Rosnes
Tlf: 51 56 89 80 / 48 14 72 13