Jubileumsreisa: Kongeparet til Stavanger
Deira Majestetar Kongen og Dronninga drar på jubileumsreise med Kongeskipet «Norge» i perioden 18. til 29. juni 2016. 27. juni kjem dei til Stavanger.
Dette innhaldet er meir enn eitt år gammalt. Informasjonen kan derfor vere utdatert.
Reisa er eit ledd i markeringane av at Kongen og Dronninga har vore Kongepar i 25 år. Turen startar i Tromsø 18. juni og går vidare til Bodø 19. juni, Trondheim 22. og 23. juni, Bergen 25. juni, Stavanger 27. juni og Kristiansand 29. juni.
Folkearrangement i kvar by
Programma i byane er ennå ikkje klare, men det blir eit folkearrangement på kvar stad. I tillegg inviterer Kongen og Dronninga til hagefest med gjestar frå den regionen dei besøker. Gjestane blir plukka ut i samarbeid med Fylkesmannen i kvart fylke.
I Trondheim blir det også ei festgudsteneste i Nidaros domkirke (Nidarosdomen) den 23. juni, til minne om signinga for 25 år sidan.