Søknad om arbeider i sjø ved Paradis sør i Stavanger

I samband med utvikling av området Paradis sør til nærings- og bustadformål blir det søkt om utfylling av til saman om lag 180 900 m3 steinmassar i sjø, fordelt på tre områder på vestsida av Hillevågsbukta.

Arealet av sjøbotn som blir rørt ved av utfyllingane er om lag 22 300 m2. Det er og planlagt å grave opp ca. 110 000 m3 for å etablere ei vik, samt å utføre pelearbeider. Sjøbotnen i området er svært forureina, og søkjar har mellom anna føreslått bufferlag, siltgardin og lenser som avbøtande tiltak for å hindre spreiing av forureining.

Uttalar til søknadane kan sendast til Fylkesmannen i Rogaland, postboks 59, 4001 Stavanger, eller til fmropost@fylkesmannen.no. Frist for uttale er sett til fire veker.

Sjå høyringsbrev og søknadsdokument i høgremargen.